افغان-اوزبیک تجارتی فورمی، افغانستان و اوزبیکستان دولت رسمیلری و تدبیرکارلرینینگ اشتراکی بیلن، ۴ اسد/۲۶ جولای، یکشنبه کونی کابلده اوتکزیلدی.
اوشبو فورمده، افغانستان اسلام امیرلیگی سودا و صناعت وزیری نورالدین عزیزی، تدبیرکارلر اینیقسه اوزبیکستانلیکلردن افغانستانده ظرفیت و نیازمندلیک کوپلیگی اوچون بو مملکتده سرمایه کیریتیشلرینی سورهدی.
شونینگدیک او، سرمایه کیریتووچیلردن لایحهلرنی اساسی و زمانهوی شکلده عملگه آشیریشگه تأکید ایتدی. سودا و صناعت وزیری حاضرگی کونده افغانستان محصولاتی اوزبیکستان گه کمراق صادر قیلینماقده و بو رقمگه قرهمسدن افغانستاننینگ اوزبیکستان گه صادرات رقمینی بیش میلیارد دالر گه ییتکزیش گه سعی-حرکت قیلینهیاتگنینی بیلدیردی.
افغان-اوزبیک فورمیده اوزبیکستان باش وزیری اورین باسری جمشید خواجهیوف، افغانستان گه قیلگن سفری دایرهسیده بو مملکت ییریک عملدارلری بیلن ملاقاتیده، یوکلرنی تشیش – جایلشتیریش، ترانسپورت، اقتصادیات و باشقه تورلی ساحهلرده بو ایکی مملکت اورتهسیدهگی چیکلاولر کوتاریلیشیگه کیلیشگنلرینی هم معلوم قیلدی.
خواجهیوف، اوزبیکستان افغانستاندن پخته ساتیب آلیشگه تیار ایکنینی هم ایتدی.
فورم یکونیده، ایکی مملکت تدبیرکارلری میلیونلب دالرلیک مبلغ عوضیگه ۲۲ ته شرطنامههم امضالهدیلر.
اوشبو فورمده، اوزبیکستان دولت رسمیلری و تدبیرکارلریدن عبارت ۳۰۰ دن آرتیق کیشی همده افغانستان رسمیلری و سوداگرلری اشتراک ایتگن ایدی.
