قطر پایتختی دوحه شهری ده بیرلشگن ملتلر تشکیلاتی میزبان‌لیگی بیلن چمه‌سی ۱۰ کوندن سونگ افغانستان وضعیتی گه دایر مهم ییغیلیش اوتکزیلیشی کوتیله‌دی، بیراق اسلام امیرلیگی اوشبو ییغیلیش ده وکیلی نینگ اشتراک قیلیشی یا که قیلمسلیگی خصوصیده حاضرگچه نهایی قرار آلمه‌گن.
بیزلرنینگ فیسبوک صحیفه‌میزگه باش اورینگ!
سرپرست حکومت تشقی ایشلر وزیرلیگی تامانیدن ترقه‌لگن معلومات‌لر اساسیده، افغانستان اوچون بیرلشگن ملتلر تشکیلاتی باش کاتبی نینگ مخصوص وکیلی روزا اوتونبایوا و افغانستان اوچون بیرلشگن ملتلر تشکیلاتی نینگ مخصوص هماهنگ قیلووچیسی فریدون سینیرلی اوغلو، تشقی ایشلر وزیرلیگی سرپرستی امیرخان متقی بیلن علیحده ملاقات‌لریده، دوحه کیله‌سی ییغیلیشی ده اشتراک ایتیشنی تکلیف قیلگنلر؛ بیراق اسلام امیرلیگی بوتوغریده حاضرگچه نهایی قرارینی بیللی قیلمه‌گن.
سرپرست حکومت سوزلاوچیسی ذبیح‌الله مجاهد بوگون (پنجشنبه، ۱۹-دلو)، سلام‌وطندار بیلن اوتکزگن صحبتیده دوحه ییغیلیشی ده اسلام امیرلیگی وکیلی نینگ اشتراک قیلیشی یا که قیلمسلیگی همان نامعلوم‌لیگینی بیلدیردی.
بیزلرنینگ «ایکس» ترماغی ده هم تعقیب قیلینگ!
تشقی ایشلر وزیرلیگی سرپرستی امیرخان متقی، دوحه کیله‌سی ییغیلیشی ده اسلام امیرلیگی نینگ اشتراک قیلیش تکلیف‌لری گه جواب، بو ییغیلیش ترکیبی و آجنداسی حقیده ایضاح کیریتیش‌لرینی سوره‌گن.
باشقه تاماندن، امیرخان متقی افغانستان اوچون اروپا اتفاقی نینگ مخصوص وکیلی توماس نیکلسون بیلن اوچره‌شووی ده، سرپرست حکومت دوحه ییغیلیشی ده معنالی اشتراک ایتیشینی بیلدیرگن.
