امریکا و اسلام امیرلیگی اورته‌سیده دوحه بیتیمی امضاله‌نیشی دن اوچ ییل اوتیشی بیلن که افغانستان ده اسلام امیرلیگی حاکمیت گه ایریشیشی گه سبب بولدی، ینه بیر مراتبه افغانستان وضعیتی گه دایر بیرلشگن ملتلر تشکیلاتی نینگ ایکی کون‌لیک ییغیلیش میزبانی دیر.
لیکن اوشبو ییغیلیش، افغانستان فقرالری نینگ ایریم قرشی‌لیگی بیلن روپه‌ره بولگن.
کابل شهری یشاوچیلری گه علاوه، افغانستان نینگ پاکستان پایتختی اسلام آباد، امریکا، جرمنی، برازیل و اسپانیا شهرلریده‌گی فقرالری دوحه ییغیلیشی و اوشبو ییغیلیش ده اسلام امیرلیگی نینگ احتمالی تن آلینیشی گه قرشی ناراضی‌لیک همایش‌لرنی یولگه قویگنلر.
بیزلرنینگ فیسبوک صحیفه‌میزگه باش اورینگ!
عیال حقوقی فعالی و ناروی ده اعتراضچیلردن بیری هدا خموش، اسلام امیرلیگی تن آلینیشی خصوصیده سلام‌وطندار گه ایتیشیچه: «اعتراضچی عیاللر نینگ حرکت‌لری مهم دیر، اولر بیرلشگن ملتلر تشکیلاتی و جهان پارلمان‌لری و دوحه ییغیلیشی گه مکتوب یوللـه‌گنلر، اوتگن کون یالغیز ۲۳ نهاد بیرلشگن ملتلر تشکیلاتی گه مکتوب یوللب و اوشبو مکتوب دوحه ییغیلیشی ده اوقیلیشنی طلب قیلگنلر.»
شو بیلن بیرگه، افغانستان مدنی نهادلریدن بیر گروه، جهان رهبرلری گه آچیق نامه یوللب دوحه ییغیلیشی گه قرشی‌لیکلرینی بیلدیرگنلر.
۲۰ مدنی نهاد تامانیدن صادر بولگن اوشبو مکتوب ده، جهان ییتکچیلری دن افغانستان ده انسان حقلری برابریده اسلام امیرلیگی جواب‌گرلیککه تارتیلیشی سوره‌لگن.
باشقه تاماندن، عیاللر حقوقی فعاللری و ایش بیلرمان‌لردن بیرقطاری دوحه ییغیلیشی نتیجه بیرمسلیگی گه ایشانه‌دیلر.
سیاسی ایش بیلرمان عبدالجبار اکبری نینگ سلام‌وطندار گه ایتیشیچه: «بو ییغیلیش ده سابق ییغیلیش‌لر کبی یالغیز بیر اعلامیه صادر بولیشی ممکن، بو گَل ییغیلیش‌لر تشریفاتی بولیشینی اویله‌ی من، چونکه افغانستان وضعیتی اوزگریشی اوچون اوشبو ییغیلیش‌لر نتیجه بیرمه‌یدی.»
بیزلرنینگ توییترده هم تعقیب قیلینگ!
عیال حقوقی فعالی ثریا پیکان گه کوره: «بیرلشگن ملتلر تشکیلاتی اولکه‌میز و یشاوچیلر حقیده سوز یوریته‌دیلر احتمالاً بیر قرار گه کیلیش‌لری ممکن؛ بیراق افغانستان دن نماینده چقیریلمه‌گن، افغانستان نینگ واقعی نماینده‌لری و خلقی نینگ غیابی ده قرارلر آلینه‌دی شونی اوچون بوگَل قرارلر نتیجه بیریشی قیین دیر.»
دوحه ییغیلیشی ده، اسلام امیرلیگی نینگ احتمالی تن آلینیشی و اوشبو ییغیلیش ده افغانستان دن نماینده چقیریلمسلیگی ایریم خواطرلر گه سبب بولگن.
بیرلشگن ملتلر تشکیلاتی نینگ اعلامیه‌سی گه بناً، دوحه ییغیلیشی ده افغانستان ده‌گی خاتین قیزلر نینگ حقوقی رعایت ایتیلیشی، همه شمول حکومت شکللنیشی و عصیانچی گروه‌لر گه قرشی کوره‌ش اوستیده بحث ایتیلیشی کوتیله‌دی.
