غور یشاوچیلریدن یوزلرچهسی ینه بیر مرته ناراضلیک نمایش یولگه قوییش بیلن بو ولایت حاکمی چیتلنتیریلیشی نی سورهشگن. اولر اوشبو ناراضلیک نمایش ده جمهوریت تیزیمی و امنیتی کوچلردن حمایت بیلدیریب و غور حاکمی نورمحمد کوهنورد گه قرشی شعار بیریشگن.
غور اعتراضچیلری بو ولایت حاکمی نینگ مدیریتسیزلیک، تفرقه تشلهش و دولتی ادارهلر آرهسیده اویغونسیزلیککه عیبلهگنلر. اعتراضچیلرگه کوره، جناب کوهنورد غور حاکمی صفتیده تعیین ایتیلگندن بویان بو ولایتده امنیتی و اقتصادی قیینچلیکلر و شونینگدیک قشاقلیک میزانی یوقاری کیتگن.
اولر، ولایت حاکمی چیتلنتیریلیشی اوستیگه اورغولب و مرکزی رسمیلردن جناب کوهنورد نینگ اورنیده بیلیمدان و مدیریتلی بیر کیشی تعیین ایتیلیشی نی سورهشگن.
شونینگدیک اعتراضچیلرنینگ آگاهلنتیریشیچه، بو ولایت حاکمی ایشدن چیتلنتیریلگونگه قدر اعتراض دن قول تارتمهی و کیینگی اقداملرده دولتی ادارهلر برچهسی نینگ ایشیگی نی باغلهیدیلر.
شوندهی بیرحالده، غور یشاوچیلریدن باشقه بیر قطاری مذکور ناراضلیک نمایش نینگ یقیینلیگیده نورمحمد کوهنورد دن حمایت قیلیش بیلن تحصن خیمه قوریب و ولایت حاکمی اوز چوکیسیده قالیشی اوستیگه اورغولشگن. اولر غور حاکمی نینگ بیلیمدان و ایش قیلووچی بیر آدم دیگن.
عین حالده، غور حاکمی نورمحمد کوهنورد بو ولایت یشاوچیلری نینگ اعتراضی نی مدنی حقلری دیب ایتیشیچه، اونگه قرشی شعار بیرهدیگن اعتراضچیلر امنیتی کوچلرنینگ عملیاتی گه قرشی کیشیلر دیر و اولر کوپراق قومی موضوعلرگه قول اوریشهدی.
غور یشاوچیلریدن قطاری ۸ کیچهوکوندوز دن بویان بو ولایت محلی ادارهسی نینگ برابریده تحصن خیمه قوریش بیلن، بو ولایت حاکمی چیتلنتیریلیشی نی سورهشگن.