ملی اسلامی جنبش حزبی رهبری و جمهورلیک ریاستی نینگ سابق اورین باسری مارشال عبدالرشید دوستم فاریاب اعتراضچی‌لری بیلن تلفون آرقه‌لی صحبت اوتکزیب و اوشبو ولایت ینگی حاکمی محمدداوود لغمانی نینگ پیشانه‌سیگه اوق بیلن اوروش اوچون بویروغ بیرگن.

مارشال دوستم، طرفدارلریدن اختیارلریده بولگن اوروش تجهیزات‌‎لرینی اوزلری بیلن چیقاریب و هرقنده‌ی وضعیتده تیار بولیش‌لرینی سوره‌گن.

محمدداوود لغمانی نینگ فاریاب ینگی حاکمی صفتیده تعیین‌لنگنی سبب، اوشبو ولایتده اعتراض‌لر شدت‌‎لنگن.

فاریاب ولایتیده ملی اسلامی جنبش حزبی نینگ طرفدارلری، اوشبو ولایت ینگی حاکمی نینگ تانیتیلیشی‌گه توسیق بولیش اوچون اعتراض بیلدیریب و حکومت‌گه قرشی شعار بیرگن‌لر.

سلام‌وطندار اوزبیک‌ بولیمی‌نی فیسبوک‌ده تعقیب قیلینگ

فاریاب ولایتی بوییچه جنبش حزبی باشلیغی عطامحمد فیضی نینگ ایتیشیچه، حقوق‌لرینی اعاده قیلیش اوچون ناراض‌لیک بیلدیرگن‌لر و حکومت داوود لغمانی‌نی یوباریش بیلن بو ولایت‌نی طالبان‌گه تاپشیریش‌نی ایسته‌یدی.


محمدداوود لغمانی ملی اردو بیرینچی لواسیده فاریاب حاکمی صفتیده تانیتیلدی

ملی اسلامی جنبش حزبی طرفدارلری فاریاب ولایت مقامی نینگ کیریش ایشیگی‌نی باغله‌گنلر

فاریاب یشاوچی‌لری بو ولایت اوچون ینگی حاکم تعیین ایتیلگنی گه قرشی اعتراض بیلدیریشگن


شونینگدیک، فاریاب ولایتی بوییچه یاش‌لر جنبشی باشلیغی احسان‌الله قوانچ نینگ ایتیشیچه، لغمانی فاریاب‌نی معامله قیله‌دی و انه‌شوو سبب، حاکم صفتیده تانیتیلیشی‌گه رخصت بیرمه‌یدیلر.

جناب قوانچ‌گه کوره، اعتراض‌لریگه دوام بیره‌دیلر و تحصن خیمه‌لرینی هم کوتارمه‌یدیلر و بوتون دولتی اداره‌لرنی باغله‌یدیلر.

بویوک‌لر کینگشی عضوی گل‌محمد رسولی نینگ ایتیشیچه، حکومت اهالی بیلن توزه‌له‌دی و بیر حاکم ملی اردو مقریده تانیتیلیب و ولایت مقامی‌گه کیله‌ آلمه‌یش شرم دیر.

سلام‌وطندار اوزبیک بولیمی‌نی توییر ده تعقیب قیلینگ

عین‌حالده، ملی اسلامی جنبش حزبی رهبری مارشال عبدالرشید دوستم، اعتراضچی‌لردن اعتراض‌لریگه دوام بیریش‌لرینی سوره‌گن.

فاریاب مرکزی میمنه شهریده ملی اسلامی جنبش حزبی طرفدارلری نینگ اعتراضلری دوام قیلگن حالده، اوشبو ولایت مطبوعاتی دفتری بیر خبرنامه نشر قیلیش بیلن محمد داوود لغمانی‌نی ملی اردو بیرینچی لوا سیده اوشبو ولایت ینگی حاکمی صفتیده تانیتیلیشیدن خبر بیرگن.

جناب لغمانی نینگ حاکم صفتیده تانیتیلیشیدن نشر ایتیلگن تصویرلرگه ولایتی کینگش باشلیغی و امنیتی مسوول‌لر هم کورینه‌دی.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام