بوگون “شنبه” سمنگان یشاچیلری و ملی اسلامی جنبش حزبی طرفدارلریدن یوزلرچهسی اوشبو ولایت مرکزی ایبک شهریده محمدداوود لغمانی نینگ فاریاب ولایتیده حاکم صفتیده تعیینلنگنیگه قرشی اعتراض بیلدیرگنلر. اولرنینگ ایتیشلریچه، شمالی بیرقطار ولایتلرینی ناتینچ قیلیشگه حکومتنی قولی بار.
اعتراضچیلردن بیری دین محمد نینگ ایتیشیچه، مملکتنی ناتینچ قیلیشیگه حکومتنی قولی بار و ایش قیلهدیگن کیشیلرگه ایشلش اوچون رخصت بیرمهیدی.
اعتراضچیلردن باشقه بیری جان باز نینگ ایتیشیچه، حکومت اولرنینگ ایستهگیگه دقت قیلمهگن صورتده، اعتراضلریگه دوام بیریشلری ممکن.
عینحالده، اعتراضچیلر نمایندهسی مخدوم عبدالحی نینگ ایتیشیچه، اولر نیچه مادهلیک بیر شرطنامه ترقهتیش بیلن حکومتدن مملکت شمالی ولایتلرینی ناتینچ قیلیشدن قول تارتیشینی سورهگنلر.
عبدالحی نینگ کوپهیتیریشیچه، بوندن سونگ، هر ولایتده دولتی نهادلرگه مذکور ولایت نینگ تحصیل قیلگن یاشلریدن استخدام ایتیلیشی کیرهک.
اونینگ ایتیشیچه، هر ولایت ده مذکور ولایت نینگ کدرلریدن تعیینلنگن صورتده، موجود بولگن قیینچیلیکلرنی حل ایتیلیشی ممکن.
فاریاب حاکمی نقیبالله فایق جمهور رییس تامانیدن چیکلنتیریلیب و اورنیگه محمدداوود لغمانی تعیین ایتیلگنینی سبب، مملکت شمالی ولایتلری نینگ یشاوچیلری ناراضلیک نمایشلر یولگه قویب جمهور رییس نینگ بو اقدامیگه قرشی واکنش کورستگنلر.