فاریاب ولایتیده مارشال عبدالرشید دوستم رهبرلیگی‌گه بولگن افغانستان ملی اسلامی جنبش حزبی طرفدارلری ناراضلیک‌لری ۶ کوندن بویان دوام قیلماقده. اعتراضچی‌لر غیرمتمرکز نظام ایسته‌گنلر.
اعتراضچی‌لرنینگ ایتیش‌لریچه، غیرمتمرکز نظام حقوق‌لرینی تامین قیله آله‌دی و حاکم‌لر اهالی تامانیدن تعیین‌لنگن صورتده، امنیتی وضعیت یخشی‌لنیشی ممکن.
ملی اسلامی جنبش حزبی نینگ ییریک اعضالریدن بیری احسان‌الله قوانچ نینگ ایتیشیچه، غیرمتمرکز بیر نظام ایسته‌یدیلر. اونینگ ایتیشیچه، حاکم‌لر و بلدیه‌لرنی اهالی تامانیدن سیله‌نیشی کیره‌ک.
- فاریاب اعتراضچی‌لری: هیچ‌بیر اوچاغ‌گه قانیش و اوچیش اوچون رخصت بیرمه‌یمیز
- فاریاب ینگی حاکمی ملی اردو لواسیده تانیتیلدی؛ مارشال اوق آتیش بویروغی‌نی بیرگن
- محمدداوود لغمانی ملی اردو بیرینچی لواسیده فاریاب حاکمی صفتیده تانیتیلدی
عین‌حالده، ملی اسلامی جنبش حزبی اورین باسری مسعوداحمد مسعود نینگ اعتراضچی‌لردن حمایت بیلدیریب فیسبوک صحیفه‌سیده یازیشیچه، غیرمتمرکز حکومت مملکت بوتون یشاوچی‌لری نینگ حقوق‌لرینی تامین قیله آله‌دی و افغانستان‌نی ثبات‌سیزلیکدن قوتقریش اوچون اساسی بیر یول دیر.
اعتراضچی‌لرنینگ آگاه‌لنتیریش‌لریچه، ایستکلریگه دقت بولمه‌گن صورتده، دولتی نهادلرنینگ ایشیکلرینی آچمه‌یدیلر.
محمدداوود لغمانی فاریاب ینگی حاکمی صفتیده تعیین‌لنگنی‌نی سبب، اوشبو اعتراض‌لر باشلنگن و نیچه کوندن بویان دوام قیلماقده.
ایتیلیشیچه، اوتگن “سه‌شنبه” کونی ملی اسلامی جنبش حزبی نینگ طرفدارلری تورلی قوراللر آرقه‌لی میمنه جاده‌لریگه چیقیب ترکستان بیراقی‌نی کوتاریش بیلن قدرت‌لرینی نمایش‌گه قوییگنلر.
