Asset 1SWN

کابل شهری ۱۵_ناحیه یشاوچیلری ایچیملیک سوولری یوق‌لیگیدن شکایت قیله‌دیلر

Water1111

کابل شهری ۱۵_ناحیه حدودلری گه قره‌شلی «پنج‌صدفامیلی» منطقه‌سی یشاوچیلریدن بیرقطاری، ایچیملیک سوو پولینی توللش اوچون اوشبو منطقه ده‌گی خصوصی سوو ییتکیزیش شرکت‌لردن بیری گه کیلگنلر، مذکور شرکت تامانیدن ییترلی سوو ییتکیزیب بیریلمسلیگیدن شکایت قیله‌دیلر.

اولر نینگ ایتیشلریچه، هر بیر عایله نل‌دوانلیک اوچون مذکور سوو ییتکیزیش شرکت گه ۲۵ مینگ افغانی توللشگن و هر آیی سوو پولینی توللـه‌یدیلر؛ بیراق ییترلی سوو اوشبو شرکت تامانیدن اولر گه ییتکیزیب بیریلمه‌یدی.

اولر نینگ کوپه‌یتیریشیچه، اوشبو کون‌لر کونده‌لیک ایچیملیک سوولرینی یامغیر سووی دن تأمینله‌یدیلر.

بیزلرنینگ فیسبوک صحیفه‌میزگه باش اورینگ! 

«پنج‌صدفامیلی» یشاوچیسی فضل‌الله گه کوره: «۸۰ فایز یشاوچیلر ایچیملیک سوو تنقیص‌لیگی بیلن روپه‌ره دیر، ایکی شرکت بار هر آیی بیر و ایکی مراتبه سوو ییتکیزیب بیره‌دیلر. بو قیینچیلیک حلی اوچون کوپ سعی‌وحرکت قیلدیک؛ لیکن نتیجه بیرمه‌دی، هیچ کیم مثبت جواب قیتیرمه‌یدی و بهانه قیلیشه‌دی.»

«پنج‌صدفامیلی» منطقه یشاوچیلریدن شاه‌پور نینگ ایتیشیچه: «بو ییرده تاغ ده تیریکچیلیک قیله‌میز، سوو بولمسه کوپ قیین دیر؛ قیینچیلیک بیلن تیریکچیلیک قیلماقده‌میز، هر آیی پول هم توللـه‌یمیز.»

شونینگدیک کابل یشاوچیلری، شرکت‌لر تامانیدن ییتکیزیب بیریله‌دیگن سوونی صفت‌سیزلیگیدن شکایت قیله‌دیلر.

کابل یشاوچیلریدن محمدادریس یحیازاده گه کوره: «بیر هفته ایچیده بیر مراتبه سوو ییتکیزیب بیریلیشی کیره‌ک، بیر هفته ده بیر مراتبه سوو قویباریلسه، یشاوچیلر اوچون ییترلی دیر؛ اوشبو سوو شور، چای و ایچیش اوچون اصلا بولمه‌یدی.»

سلام‌وطندار بیلن صحبت اوتکزگن سوو و برق وزیرلیگی مسئوللری، پنج‌صد فامیلی یشاوچیلری نینگ قیینچیلیگی حل ایتیلیشیدن ایشانچ بیره‌دیلر.

بیزلرنینگ توییترده هم تعقیب قیلینگ!

سوو و برق وزیرلیگی نینگ سوو ییتکیزیش باشلیغی عمار مموزی نینگ ایتیشیچه: «پنج‌صدفامیلی منطقه‌سیده طبیعت آزاد اسمی ده بیر شرکت فعالیت قیلماقده و اوشبو شرکت حاضرگچه بیز دن قانونی اجازه آلگنی یوق. مذکور شرکت نی قانونی‌لشتیریش و یشاوچیلر گه صفتلی سوو ییتکیزیب بیریش اوچون مسئوللرینی چقیره‌میز.»

عین‌حالده، سونگی ییل‌لرده کابل ده ییر آستی سوولری خواطرلی شکلده پس توشیب و پایتخت کابل یشاوچیلری سوو تنقیص‌لیگی بیلن روپه‌ره بولگنلر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام