آمریکا بیرلشمه ایالتی و غربی متحد‌لری، اورته و لیسه قیزلر مکتب‌لری نینگ آچیلمه‌یشی خصوصیده اسلامی امارت نینگ آلگن قراری نی قاره‌لب و هشدار بیرگن. آمریکا، کانادا، فرانسه، ایتالیا، ناروی، بریتانیا و اروپا بیرلشمه نماینده‌لری قوشمه بیر اعلامیه‌ده ایتیش‌لریچه، اسلامی امارت نینگ بو اقدامی اولر نینگ دنیا جماعه و افغانستان اهالی‌سی گه بیرگن عمومی تضمین‌لری گه قرشی ایدی.
مذکور اعلامیه اوتگن (پنجشنبه کونی، ۴-حمل) آمریکا بیرلشمه ایالتی نینگ تشقی ایشلر وزیرلیگی تامانیدن ترقه‌تیلگن. اعلامیه‌ده کیلیشیچه، اوقیتووچیلر‌دن حمایت و بوتون اوقووچیلر گه مکتب‌لر نینگ آچیلیشی اوچون دنیا جماعه نینگ آیلر سعی و حرکت قیلگنیدن کیین، اسلامی امارت تامانیدن قیز مکتب‌لری نینگ یاپیق قالیش قراری آلینگن.
بیزلرنینگ توییترده هم تعقیب قیلینگ!
اعلامیه‌ده یازیلیشیچه: «بوتون اوقووچیلر یوزیگه مکتب‌لر نینگ آچیلیشی اساسیده، اقیتووچیلر نینگ معاشی توللنیشی اوچون دنیا جماعه نینگ آیلر سعی و حرکتی و افغانستان اوقیتووچیلری و اوقووچیلری نینگ شوق و علاقه‌لری گه توجه قیلینگنیدن کیین، اوشبو قرار آلینگن.»
آمریکا تشقی ایشلر وزیرلری و متحد‌لری «تاسف» بیلدیریب و ایتیش‌لریچه، ۷ آیدن کیین بیرینچی مرته افغانستان قیزلری مکتب‌لری گه باره‌دیگن بیر چاغده اوشبو قرار آلینگن. اولر افغانستان نینگ حاضرگی حاکم‌لریدن افغانستان قیزلری اوچون تیزلیککه بو قرارلری نی اوزگرتیریشلری نی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک آمریکا و متحد‌لری نینگ ایتیش‌لریچه، اوشبو امر اسلامی امارت نینگ مملکت ایچیده و تشقی‌سیده سیاسی مشروعیت و حمایت تاپیش اوچون قیلگن سعی و حرکت‌لری گه سلبی تاثیر قیلیشی ممکن. اعلامیه اساسیده، قیز و اوغیل، ایرکک و عیال و افغانستان بوتون یشاوچیلری، مملکت نینگ قطار ولایت‌لریده تعلیم اوچون حق‌لری بار.
آیلر کوتیب توریش و سابق سوزلردن کیین، چهارشنبه کونی ۳-حمل ۶- صنف‌دن یوقاری قیزلر علاقه بیلن مکتب گه کیتگنلری بیرچاغده، اورته و لیسه قیزلر مکتب‌لری نینگ یاپیق قالیش قراری اعلام بولدی. اوقووچیلردن بیر قطاری ییغله‌یش و غضب بیلن اویلری گه کیتیب و بیر قطاری ایسه اعتراض بیلدیرگن ایدیلر.
