کلمبیا ییرشناسلیک ادارهسی، اوشبو مملکتده ۷.۴ درجه ریشترلی زلزلهده کمیده ۱۱۱ کیشی هلاک بولگن و ینه یوزلب کیشی بیدرک ایکنینی بیلدیردی.
خلقارا ییتکرمهلر، بوگون (۲۰ اسد/۱۱ آگست، سهشنبه) ترقهتگن گزارشلریده، بو زلزله کلمبیا غربی حدودلری اینیقسه کالی، پریرا، کیبدو و مانیزالس شهرلریده سیزیلگنینی معلوم قیلگنلر.
معلوماتلر گه کوره، زلزلهدن کیین هم کلمبیانینگ تورلی حدودلریده چمهسی ۲۱ زلزله سیزیلگن.
محلی رسمیلرنینگ ایتیشیچه، کمیده ۲۰ یشش بنا قولب توشگن و ۳۸۰ بنا ضرر کورگن و بیر قطار آدملر توپراقلر آستیده قالگن.
ایسلهتیب اوتهمیز، ۱۹۹۹ییلده آرمِنیا شهری یقینیده ۶.۲ درجه ریشترلی زلزلهده بیر مینگ ۱۰۰ کیشی هلاک بولگن ایدی.
