تورکیه ده یوز بیرگن زلزله‌دن اون کون اوتگنی بیرحالده، قوتقرو تیم‌لری ۲۲۲ ساعت دن کیین، ۴۲ یاشر بیر عیال نی خرابه‌لر آستیدن قوتقرگنلر.
تورکیه ده «عصرین فلاکتی» صفتیده یاد بوله‌دیگن زلزله‌دن ۲۲۲ ساعت اوتگنی‌دن کیین، اوشبو مملکت نینگ قهرمان مراعش شهریده «اون‌ایکی شوبات» منطقه‌سیده، قوتقرو تیم‌لر نینگ سعی و حرکتی نتیجه‌سیده، ۴۲ یاشر ملکه امام اوغلو اسم‌لی عیال خرابه‌لر آستیدن قوتقریلگن.
بیزلرنینگ توییترده هم تعقیب قیلینگ!
شونده‌ی بیرحالده، تورکیه جمهور رئیسی رجب‌طیب اردوغان نینگ ایتیشیچه، تورکیه ده یوز بیرگن زلزله عاقبتیده قربانی‌لر سانی ۳۵ مینگ ۴۱۸ کیشی و یره‌لنگنلر سانی ایسه ۱۰۵ مینگ ۵۰۵ کیشی گه ییتیشگن.
معلومات‌لرگه کوره، تورکیه مملکتیده زلزله یوز بیرگنی‌دن اون کون اوتگنی بیرحالده، بیراق قوتقرو عملیات‌لری همان دوام ایتماقده و قربانی‌لر رقمی کوپه‌ییشی ممکن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، تورکیه و سوریه ده دوشنبه کونی ۶-فبروری ۷.۸ درجه ریشتر‌لیک زلزله یوز بیرگنی عاقبتیده، اهالی گه کوپینچه جانی و مالی زیان ییتیشگن.
