جدی آیی نینگ ۱۴- کونی، اوزبیکی و تورکمنی تیل‌لر نینگ رسمی بولگن کونی دیر، و اوشبو کوندن نشانلش اوچون کابل‌ده بیر طنطنه‌لی احتفال اوتکزیلدی.

مملکت عالی اوقویورت‌لر وزیری عباس بصیر اوشبو احتفاده سوز یوریتیب، افغانستان، اتنیک و تیل خیلمه – خیللیگی بیلن خاص اورین توته دیگن مملکت‌لردن بیری حساب لنیشی نی ایتگن.

جناب بصیر نینگ ایتیشیچه، افغانستان‎ده‌گی فرقلی تیل و اتنیک‌لرنی کوچ‌لنتیریش اوچون جدی صورتده تلاش قیلیش لازم.

جناب بصیر گه کوره، مملکت عالی اوقویورت‌لر وزیرلیگی اوزبیکی و تورکمنی تیل‌لرنی سقلش و اوستیریش اوچون اونملی آدیم‌لر کوتارگن.

انه شوحالده معارف وزیرلیگی نینگ سرپرستی خانم رنگینه حمیدی، افغانستان تیل‌لری اینیقسه اوزبیکی و تورکمنی تیل‌لر نینگ اهمیتی خصوصیده اشاره ایتیب و اولکه معارف وزیرلیگیده ۲ مینگ دن آرتیق اوزبیکی و تورکمنی تیل‌لر اوقوتوچیسی بولگنیدن خبر بیرگن.

خانم رنگینه حمیدی نینگ ایتیشیچه، معارف وزیرلیگی، بیرینچی صنف دن اون ایکینچی صنف گچه اوزبیکی و تورکمنی تیل‌لر کتابی نی تیارله‌گن.

انه شوحالده اوشبو احتفال گه قتنشگن کیشی‌لر، احتفال اوتکزیلگنی دن خرسندلیک بیلدیریب و اوزبیکی همده تورکمنی تیل‌لر سقلنیشی و کوچ‌لنتیریلیشی اوستیده تأکید ایتگن‌لر.

اوزبیکی و تورکمنی تیل‌لر مملکت نینگ اصلی تیل‌لریدن بولیب و قویاش ۱۳۸۲- ییل لویه جرگه خیمه‌سیده افغانستان اساسی قانون‌نی تصویب ایتیلگنی دن  ۲۱ کون کیین لویه جرگه نماینده‌لری نینگ کوپینچه تلاشی، افغانستان تورک تبار خلقی نینگ نماینده‌سی الحاج مارشال عبدالرشید دوستم نینگ ایستگی و باشقه قوم‌لر نماینده‌لری نینگ حمایتی بیلن، اوزبیکی و تورکمنی تیل‌لری افغانستان اساسی قانون‌نیگه اوچینچی رسمی تیل صفتیده کیریتیلدی.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام