اسلامی امارت سرپرست حکومتی، ایران نینگ شیراز شهری ده جایلشگن «شاه‌چراغ زیارتیده»، اسلامی دولت (داعش) گروهی نینگ زیارتچیلر گه قیلگن هجومینی قاره‌لب و اونی «کیچیریلمس» عنوان قیلگن.
اسلامی امارت سوزلاوچیسی ذبیح‌الله مجاهد، اوتگن کون (جمعه، ۶ عقرب)، اوشبو قاره‌لاونی ایران نینگ شیراز شهری شاه‌چراغ زیارتیده‌گی هجوم دن ایکی کوندن سونگ توییت قیلگن.
اونینگ یازیشیچه: «افغانستان اسلامی امارت ایران نینگ شیراز شهری ده زیارتچیلر و نماز اوقیووچیلر گه قرشی هجوم و اوق آتیش‌لرنی قتیق طرز ده قاره له‌یدی. قربانی‌لر نینگ عایله اعضالری و ایران خلقی بیلن قیغوداشلیک بیلدیره‌دی.»
بیزلرنینگ فیسبوک صحیفه‌میزگه باش اورینگ!
ییتکیرمه‌لر نینگ معلوماتی اساسیده، مذکور هجوم ده چمه‌سی ۱۵ کیشی هلاک بولیب و باشقه ۱۹ کیشی یره‌لنگن.
ذبیح‌الله مجاهد، اوشبو هجوم عامل‌لرینی «اسلام و مسلمان‌لر نینگ دشمنی» دیه بیان قیلگن.
مجاهد نینگ کوپه‌یتیریشیچه: «تأسف بیلن افغانستان ده عصیانچی‌لر، نیچه مراتبه گناه‌سیز انسان‌لرنی نشانگه آلدیلر، اولر اسلام و مسلمان‌لر نینگ دشمنی دیر.»
بیزلرنینگ توییترده هم تعقیب قیلینگ!
اوتگن هفته چهارشنبه ۴ عقرب، عصر چاغی ساعت ۵.۴۵ دقیقه ده، قوراللی بیر کیشی کلاشینکوف بیلن شاه‌چراغ زیارتی ایچیگه کیریب و ۳۰ دن آرتیق کیشینی نشانگه آلدی.
اوشبو هجوم مسئولیتینی اسلامی دولت (داعش) گروهی اوز زمه‌سیگه آلگن.
ایتیش کیره‌ک که، قوراللی هجومچی ایران خوفسیزلیک کوچلری تامانیدن نشانگه آلینیب و کسلخانه گه انتقال بیریلیشیدن کیین جان بیرگن.
