غزنی‌ده اسلامی امارت معلومات و مدنیت مسئوللری نینگ ایتیشلریچه، «سرده» سوو توغانی نینگ عملی ایشی باشلنگن دیر. مسئوللرگه کوره، سوو اریق‌لرنی تازه‌لش، سیفون لر و حوض‌لرنی قته قوریش ایشلری اوشبو بند اطرافیده مینگلرچه اصله نهال نی سوغاریش اوچون دوام ایتماقده.
غزنی معلومات ومدنیت ریاستی نینگ باشلیغی حبیب‌الله مجاهد نینگ ایتیشیچه، مذکور بند نینگ ایشی باشلنگنی ۵۰۰ کیشی گه ایش زمینه‌سی‌نی یرتگن و اوشبو بند ایش بیت‌گن‌دن کیین ۸۰ قیشلاق دهقانلری اندر، گیلان، ده‌یک و شونینگ‌دیک پکتیا ولایتی نینگ بیرقطار تومن‌لریده مذکور بند سووی‌دن فایدهلنیشلری ممکن.
غزنی یشاوچی‌لریدن قطاری اوشبو سوو توغان ایشی باشلنگنی‌دن خرسندلیک قیلیب ایتیشلریچه، دهقان چیلیک ایشلری رشد قیلیب، اولرگه ایش زمینه‌سی یره‌تیلگنی یخشی نوید دیر.
یشاوچیلرگه کوره، مذکور بند نینگ قوریلیشی اوشبو منطقه‌ده سیاحتچی‌لرنینگ کوپه‌یشیگه سبب بولیشی ممکن.
«سرده» سوو توغانی غزنی ولایتیده مهم بندلردن بیری دیر که ۱۳۴۶- ییلده اوشبو شهری نینگ جنوبی ۲۰ کیلومترلیگیده تاسیس ایتیلدی. مذکور بند ۷۶ مینگ جریب ییرنی سوغاریش قابلیتی‌گه ایگه دیر.
امنیت یوقلیگی سونگی ییل‌لرده اوشبو بند نینگ سوو اریق‌لری یاپیلیب و مذکور بندسووی‌دن فایده‌لی و یخشی روشده استفاده قیلینمه‌یشیگه سبب بولگن ایدی.
