بوگون “چهارشنبه” مملکت جمهور رئیسی محمداشرف غنی، نیمروز ولایتیده باریب کمالخان سوو توغانینی افتتاح قیلگن.
کمالخان سوو توغانی نینگ افتتاح قیلیش مراسمیده جمهورلیک ریاستی اورین باسرلری و حکومت یوقاری لوازملی رسمیلریدن بیرقطار اشترک قیلگنلر.
جمهور رئیس غنی، کمالخان سوو توغانی نینگ آچیلیش مراسمیده ایتیشیچه، اوشبو توغان نینگ بیر کانالی جاری ییلده تکمیل ایتیلهدی و باشقه کاناللرینی تکمیل قیلیش اوچون سعی و حرکتلرنی دوامی بار. جناب غنی نینگ تاکید قیلیشیچه، دولت، افغانستان سوو لرینی جدی شکلده مدیریت قیلهدی.
کمالخان سوو توغانی مملکت اونملی توغانلریدن بیری دیر و اونینگ دیزاین و قوریلیش ایشی 1354 ییلده باشلنگن. اوشبو توغان ایشی نینگ بیرینچی مرحلهسی 1391- ییل و ایکینچی مرحلهسی ایسه 1394- ییلده یکونلنگن. بو توغان ایشی نینگ 3- بولیمی 1396- ییلده باشلندی، حکومت رسمیلری نینگ ایتیشلریچه، مذکور توغان نینگ قوریلیش ایشی 200 میلیون دالر هزینه کوتارگن.
کمالخان سوو توغانی نینگ سوو ذخیره قیلیشی 1399- ییل 1 دلو ده باشلندی و بو توغان ده 52 میلیون مترمکعب سوو ذخیره قیلیش ظرفیتی بار و اوشبو توغانی 174 هکتار ییرگه سوو بیره آلهدی و شونینگدیک، بو توغان 9 میگاوات برق تولید قیله آلهدی.
کمالخان سوو توغانی سابقلرده کینگ شکلده هجوم آستیگه قرار بیریلگن. جمهورلیک ریاستی نینگ امور ایشلری بوییچه ادارهسی تامانیدن بیریلگن معلوماتلرگه کوره، اوتگن 2 ییل جریانیده 35 مرته هجوم آستیگه قرار بیریلگن.
