سوو ایش‌لری بوییچه ملی اداره‌سی تامانیدن ترقه‌تیلگن گزارش‌گه کوره، نیمروز ولایتیده «کمال‌خان سوو توغانی» سوو آلیش‌گه باشله‌گن و یقینده اوشبو سوو توغانی آچیله‌دی.

بوگون “چهار‌شنبه” سوو ایش‌لری بوییچه ملی اداره‌سی بیر اعلامیه ترقه‌تیب «کمال‌خان سوو توغانی» افغانستان نینگ کته پروژه‌لریدن بولگنی‌نی بیلدیرگن.

اوشبو اداره تامانیدن ترقه‌تیلگن اعلامیه‌ده ایتیلیشیچه، کمال‌خان سوو توغانی سوو آلیش‌گه باشله‌گنی‌ افغانستان یشاوچی‌لری و جمهور رئیس محمداشرف غنی تامانیدن خوش قرشی‌لنگن.

جمهور رئیس محمداشرف غنی، کمال‌خان سوو توغانی ایشی‌نی تیکشیریش اوچون جاری ییل اسد آیی‌ده نیمروز ولایتی‌گه باریشی‌نی بیلدیرگن.

کمال‌خان سوو توغانی ۳- بولیمی نینگ ایشی هجری قویاش ۱۳۹۶- ییلده باشلندی و بو پروژه ۷۸ میلیون دالر خره‌جت کوتارگن.

سوو ایش‌لری بوییچه ملی اداره‌سی تامانیدن ترقه‌تیلگن گزارش‌گه کوره، نیمروز ولایتیده «کمال‌خان سوو توغانی» ۱۸۴ مینگ هکتار ییرنی سوله‌ب و ۹ میگاوات برق تولید قیلیشی ممکن.

کمال‌خان سوو توغانی نینگ دیزان ایشی بوندن ۵۱ ییل آلدین یعنی هجری قویاش ۱۳۴۵- ییلده باشلنگن ایدی. اوشبو سوو توغان نینگ بیرینچی ایشی هجری قویاش ۱۳۹۱- ییلده تاجکستان اولکه‌سیگه تیگیشلی«تدس» شرکتی تامانیدن تمام‌لندی و ایکینچی بولیمی نینگ ایشی هجری قویاش ۱۳۹۱- ییلده برایت پیریل و آسیابنا (ABCC,BPCC) شرکت‌لری تامانیدن باشله‌نیب و هجری قویاش ۱۳۹۴- ییلده یکونلنگن.

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام