نیمروز ولایتیدن امنیتی بیر منبع نینگ سلام‌وطندارگه ایتیشیچه، طالبان جنگریلری اوشبو ولایتده جایلشگن پولیس پوسته‌لریدن بیری نینگ اوستیگه هجوم اویوشتیریب عامه‌نی سقلش کوچلریدن ۶ ته‌سینی اولدیرگن.
منبع نینگ کوپه‌یتیریشیچه، مذکور هجوم اوتگن کیچه کمال‌خان بندی نینگ یقینیده بولگن “قلعه فتح” منطقه‌سیده اویوشتیریلگن.
منبع گه کوره، اوشبو هجوم کمال‌خان بندی نینگ قوریلیش ایشی ایلگیری کیتگن بیرحالده، اویوشتیریلگن.
بوندن آلدین ایران‌لیک مسوول‌لر، اوشبو مملکت سیستان سووی نی مدیریت قیلیش اوچون ۸۵۰ میلیون دالر اجره‌تگنی‌نی بیلدیرگن ایدی، بیراق کمال‌خان بندی توزلگن صورتده، ایران نینگ مذکور هزینه‌سی هدر بولیشی ممکن‌لیگی‌نی ایتگن ایدیلر.
ایران مسوول‌لرگه کوره، سیستان یشاوچی‌لریدن ۳۵% نینگ ایچیم‌لیک سووی کمال‌خان بندی نینگ سووی‌دن تامین بوله‌دی.