خلقارا کیچیریم تشکیلاتی ینگیلیکده بیر گزارش ترقهتیب، دوحه شهریده تینچلیک مذاکرهسی باشلهنیشی بیلن افغانستانده زوروانلیکلر رقمی آرتگن و یالغیز اوتگن بیر هفتهده زوروانلیکلر سبب، 50 تینچاهالی هلاک ایتیلگنی بیلدیرگن.
ناتو تشکیلاتی نینگ باش کاتبی ینس استولتنبرگ، اوتگن کونی اوشبو تشکیلات مدافعه وزیرلیکلری نینگ ایککی کونلیک ییغینی اداغیده افغانستان خوفسیزلیک وضعیتی خصوصیده خواطر بیلدیریب، آتشکیسین برقرار بولیش طالبان گروهیدن زوروانلیکلر رقمینی کمهیتیریشینی سورهگن.
قندوز ولایتیدن محلی منبعلرنینگ ایتیشلریچه، ملی اردو کوچلری نوآباد اندرابیها منطقهسینی قوییب عکس داوود منطقهسیگه جایلشگن. منبع گه کوره، ملی اردو حربیلری نینگ کیینگه قیتگنی سبب، طالبان جنگریلری اوتگن کونی اوشبو قتناو یولنی باغلهگنلر.
عینحالده، غزنی ولایتیده دولتی کسلخانه باشلیغی بازمحمد همت نینگ ایتیشیچه، مذکور حادثهدن 4 عیال شامل 9 کیشی نینگ جسدی و باشقه 3 یرهدار کسلخانهگه انتقال بیریلگن.
بادغیس ولایتی بوییچه عیاللر ریاستی مسووللری نینگ سلاموطندارگه ایتیشلریچه، اوشبو ولایت نینگ جوند تومنیده ینگیلیکده تورموش قورگن بیر کیلین سیچقان داروسی ییب، اوزینی اولدیرگن.
نیمروز ولایتیدن امنیتی بیر منبع نینگ سلاموطندارگه ایتیشیچه، طالبان جنگریلری اوشبو ولایتده جایلشگن پولیس پوستهلریدن بیری نینگ اوستیگه هجوم اویوشتیریب نظم عامه کوچلریدن 6 تهسینی اولدیرگن.
