خلق‌ارا کیچیریم تشکیلاتی ینگی‌لیکده بیر گزارش ترقه‌تیب، دوحه شهریده تینچ‌لیک مذاکره‌سی باشله‌نیشی بیلن افغانستانده زوروانلیکلر رقمی آرتگن و یالغیز اوتگن بیر هفته‌ده زوروانلیکلر سبب، ۵۰ تینچ‌اهالی هلاک ایتیلگنی بیلدیرگن.
خلق ارا کیچیریم تشکیلاتی افغانستان ایچکی ایشلر وزیرلیگیدن نقل قیلیب، جاری ییل اکتوبر آیی نینگ ۱- کونیدن ۲۰ – کونی‌گه‌قدر ۱۸۰ تینچ‌اهالی هلاک بولیب و ۳۷۵ تینچ‌اهالی یرهلنگنینی ایتگن.
خلق ارا کیچیریم تشکیلاتی اوشبو گزارشده، یالغیز تینچ اهالی تلفاتی بولگن واقعه‌لرنی یازگن.
اوشبو تشکیلاتی تامانیدن ترقلگن گزارش‌گه کوره، طالبان گروهی تامانیدن فاریاب ولایتی نینگ شیرین تگاب تومنی بازاریگه آتیلگن هاوان نتیجه‌سیده ۴ تینچ اهالی اولیب و کمیده ۱۰ تینچ اهالی یره‌لنگن.
گزارشده کوپه‌یتیریلیشیچه، تخار ولایتیده امنیتی کوچلر تامانیدن اویوشتیریلگن هوایی هجوم نتیجه‌سیده ۱۲ باله اولیب و ۱۸ تینچ اهالی یره‌لنگن.
خلق ارا کیچیریم تشکیلاتی نینگ اورته آسیا ایش‌لری بوییچه باشلیغی اورین باسری عمرورایچ نینگ ایتیشیچه، تینچ‌لیک مذاکره‌سی دوامیده هم افغانستانده تینچ اهالی قربان بوله‌دی.
جناب عمرورایچ، اوروش تامانلریدن اوروش جریانیده تینچ اهالی‌گه دقت قیلیش‌لرینی سوره‌ب و خلق ارا انسان سیورلیک قانون‌گه حرمت قیلیش‌لرینی سوره‌گن.
خلق ارا کیچیریم تشکیلاتی نینگ ترقتگن گزارشی‌گه کوره، سونگی بیر آی افغانستان یشاوچیلری اوچون اینگ قانلی آی بولگن.
عین‌حالده، خلق ارا کیچیریم تشکیلاتی تامانیدن ترقه‌تیلگن گزارشده غور ولایتیده یوز بیرگن پارتلش حقیده هم اشاره ایتیلگن، مذکور پارتلش‌ده ۱۷ تینچ اهالی اولیب و قطار تینچ اهالی یره‌لنگنی بیلدیریلگن. اوشبو واقعه‌دن بیر کون کیین موترگه ییرلشتیریلگن پارتلش ماده غور مرکزی فیروز کوه شهریده پارتله‌ب نتیجه ده ۱۶ تینچ اهالی اولیب و عیاللر و باله‌لر شامل ۱۲۵ تینچ اهالی یره‌لنگن.
اکتوبر آیی نینگ ۲۰- کونی جاده چکه‌سیده ییرلشتیریلگن ماین میدان‌وردک ولایتیده پارتله‌ب، تینچ‌اهالی‌دن قربانلیک آلگن. مذکور پارتلش‌ده ۱۱ کیشی اولیب و ۴ کیشی یره‌لنگن.
اوشبو گزارشده، طالبان گروهی نینگ هلمند ولایتی مرکزی لشکرگاه شهری اوستیگه اویوشتیرگن هجومی حقیده‌هم اشاره ایتیلگن. لشکرگاه شهریده امنیتی کوچلر بیلن طالبان گروهی آره‌سیده یوز بیرگن آتیشمه‌لرده ۴۰ مینگ تینچ‌اهالی اوی – جایلرینی ترک ایتیشده مجبور بولگن.
یوناما هم بیر گزراش ترقه‌تیب، میلادی ۲۰۲۰ – ییل بیرینچی آلتی آیده ۱۲۸۲ تینچ‌اهالی افغانستان اولیب و ۲۱۷۶ تینچ‌اهالی یره‌لنگنیدن گزارش بیرگن.
عین‌حالده خلق‌ارا کیچیریم تشکیلاتی ننگرهار ولایتی واقعه سی توغری سیده هم اشاره ایتیب، پاکستان اولکه سی ویزه ایسته‌ش مرکزی گاوجوم بولگنی باعث ۱۱ عیال قربان بولیب و ۱۲ کیشی یره‌لنگنی نی ایتیب و افغانستان دولتی‌دن ویزه آلیش پروسه سینی قوله‌ی لشتیریش نی سوره‌گن.