غزنی ولایتیده جاده چکه‌سیده جایلشتیریلگن ماین نینگ پارتلشی نتیجه‌سیده، ۴ عیال شامل ۹ کیشی هلاک و باشقه ۳ کیشی یره‌لنگن.
غزنی پولیس قومندانلیگی سوزلاوچیسی احمدخان سیرت نینگ ایتیشیچه، بوگون “شنبه” ایرته‌دن چاغیده مسافر تاشیووچی بیر موتر غزنی ولایتیدن کابل تامان باره‌دیگن بیرچاغده، جاده چکه‌سیده جایلشتیریلگن ماین بیلن دوچ کیلگن.
جناب سیرت، بو واقعه‌ده قربان بولگن‌لر خصوصیده معلومات بیرمه‌گن.
عین‌حالده، غزنی ولایتیده دولتی کسلخانه باشلیغی بازمحمد همت نینگ ایتیشیچه، مذکور حادثه‌دن ۴ عیال شامل ۹ کیشی نینگ جسدی و باشقه ۳ یره‌دار کسلخانه‌گه انتقال بیریلگن.
اوشبو واقعه مسوولیتی‌نی حاضرگه‌قدر هیچ‌کیم بوینیگه آلمه‌گن.