نیمروزدهگی محلی منبعلر سلام وطندارگه ایتیشلریچه، اوشبو ولایتده جایلشگن کمالخان توغانی نینگ سووی ایران تامان آچیلگن. ایران میدیالری نینگ گزارشی اساسیده، هیرمند دریاسی اوستیده قوریلگن کمالخان توغانی اوتگن کونی ایران تامان آچیلگن.
ایران نینگ ایرنا ناملی رسمی آژانسی نینگ ایتیشیچه، اسلامی امارت کمالخان توغانی سووینی ایران گه آچیب و هیرمند سووی هامون تامان یول آلگن.
مذکور آژانس نینگ یازیشیچه، بوندن آلدین ایران تشقی ایشلر وزیرلیگی نینگ سوزلاوچیسی، هیرمند دریاسی تعریف بولگن حقوقی رژیم، ایران و افغانستان آرهسیده ۱۳۵۱- ییل ده امضالنگن بیتیم گه اساس ایران نینگ سوو حقی معلوملیگی و افغانستان دولتی بو توغریده متعهدلیگینی ایتگن ایدی.
عین حالده، اوتگن هفته ایران نینگ افغانستاندهگی ایلچیلیگی، اسلامی امارت تشقی ایشلر وزیرلیگی نینگ سرپرستی امیرخان متقی بیلن اوچرهشگنی و ایران تشقی ایشلر وزیری، هیرمند دریاسیده اوشبو مملکت نینگ سوو حقی بارهسیده بحث ایتگنی نی اعلان قیلگن ایدی.
بیزلرنینگ فیسبوک صحیفهمیزگه باش اورینگ!
بیانات گه کیلیشیچه، افغانستان تامانی خلقارا معاهدهلر اینیقسه ۱۳۵۱- هیرمند بیتیمی گه نسبتن حرمت قایل بولیشیگه علاوه، ایکی مملکت نینگ تخنیکی هیأتلری موجود قیینچیلیکلر حلی اوچون تیزلیککه وچرهشیشلری ممکن.
اسلامی امارت رسمیلری بوتوغریده حاضرگچه هیچ نرسه دیمهگن، بیراق نیمروز ایکینچیلیک ریاست مسئوللری نینگ ایتیشلریچه، کمالخان توغانی نینگ سووی اوشبو ولایت نینگ ایکینزار ییرلرینی سوغاریش مقصدیده قویباریلگن.