بوگون (دوشنبه ۱۳- دلو) کابل ده «دولت نینگ ملت گه حساب بیریش» برنامه‌سیده افغانستان برشنا شرکتی مسئوللری نینگ ایتیش‌لریچه، افغانستان برقی نینگ ۷۷ فایزی وارداتی دیر و یالغیز ۱۶ فایز ایچکی قیناقلر و خصوصی بولیم‌لر آرقه‌لی تأمین‌لنه‌دی.
برشنا شرکتی نینگ عملیاتی اورین باسری ننگیالی میاخیل مملکتده سوولیک برق توغانلر قوریلیشی گه اشاره قیلیب ایتیشیچه، گرچند سوولیک برق توغانلری قوریلیشی خصوصیده افغانستان نینگ ییترلیچه بودجه‌سی یوق بیراق، دنیا بانکی بو شرکت گه یاردم بیریش خصوصیده وعده بیرگن. میاخیل گه کوره، دنیا بانکی افغانستان ده برق توغانی قوریلیشی اوچون پاکستان نینگ تصدیقی نی کیره‌کلی دیگن.
برشنا شرکت سرپرستی صفی‌الله احمدزی مذکور برنامه ده ایتیشیچه، مملکتده کوپینچه قیینچلیکلر موجود بولگن بیرحالده هم، بوتون افغانستان گه برق ییتکزیش خصوصیده سعی و حرکتلر دوام قیلماقده.
اونینگ ایتیشیچه: «بیزلر بوتون افغانستان گه برق ییتکزیش اوچون، سوو توغانلریمیزنینگ اوستیگه سرمایه یاتقیزیشی‌میز کیره‌ک کیم بو کمیده ۴ میلیارد دالر خره‌جت کوتاره‌دی و بو پروژه‌لرنینگ عمل گه آشیریلیشی ۵ الی ۱۰ ییل زمان آله‌دی.»
