بوگون “سهشنبه” ۱۳ میزان اوقیتووچیلر ایامی بیلن برابر دیر. اوشبو تاریخدن هر ییل مملکت مکتبلری و بیلم یورتلریده خاص برنامهلر آرقهلی اوقووچیلر تامانیدن نشانلنهدی. اوقووچیلری بو کونده اوقیتووچیلریگه تورلی تحفهلر آلهدیلر.
بیزلرنینگ فیسبوک صحیفهمیزگه باش اورینگ!
لیکن، اسلامی امارت حاکمی بولگنی سبب، جاری ییلده اوقیتووچیلر ایامی دن اوتگن ییللر کبی نشانلنمهیدی.
کابلده اوقیتووچیلردن بیرقطاری نینگ حقوقلری توللنمهگنی و قیزلرنینگ مکتب باریشلری اوچون اسلامی امارت تامانیدن رخصت بیریلمهگنیدن خواطر بیلدیریب ایتیشلریچه، حاضرگهقدر مکتبلرنینگ دروازهلری قیز اوقووچیلری یوزیگه آچیلمهگن و اولر سرنوشتلری حقیده قرار قیلینمهگن.
اوقیتووچیلرنینگ ایتیشلریچه، اسلامی امارت مسووللری قیز اوقووچیلر حقیده دقت قیلمهگن صورتده، مملکت معارف نظامی ناقص بولهدی.
اوقیتووچیلردن بیری جمیله نوری نینگ سلاموطندارگه ایتیشیچه، مملکت اوقیتووچیلری مالی قیینچیلیک بیلن روپهره بولگنلر و اولرنینگ معاشلری زمانیده بیریلیشی کیرهک. اونینگ کوپهیتیریشیچه، بیر جماعه نینگ یوتوق و ترقیاتی تعلیمی و تحصیل نظامگه تیگشلی و اسلامی امارت نینگ بوتوغریده جدی شکلده دقت قیلیب و قیزلرگه عاید مکتبلر ینگ دروازهسینی آچیش اوچون سعی و حرکت قیلیشی کیرهک.
باشکنت اوقیتووچیلریدن باشقه بیری آصفخان نینگ ایتیشیچه، بوتون بولیملرده اسلامی امارت نی عیاللرنینگ حضوریگه نیازی بار و عیاللرنینگ حضوری حتمی دیر. اونینگ ایتیشیچه، قیزلرنینگ مکتب باریشلری اوچون زمینه یرهتیلیشی لازم.
آصفخان نینگ تاکید قیلیشیچه، اوقیتووچیلردن کوپقطاری اقتصادی قیینچیلیک بیلن روپهره بولگن و اولرنینگ حقوقلرینی زمانیده بیریلیشی کیرهک.
اوشبو اوقیتووچی نینگ کوپهیتیریشیچه، « اسلامی امارت دن کمبغل و زحمتکش طبقه نی نظردن توشیرمهسینی ایستهیمن. عیاللر حاضرده تعلیم کورگن و تحصیل قیلگن. کیلهجکلرده عیال داکترگه نیازیمیز بار، عیال پولیسگه نیازیمیز بار. انهشوو اوقیتووچیلر کونیده قیز اوقووچیلرگه مکتب باریش اوچون رخصت بیریلگنده دنیا سطحی ده یخشی بیر حرکت بولهدی.»
بیزلرنینگ توییترده هم تعقیب قیلینگ!
عینحالده، اسلامی امارت فرهنگی کمیسیونی عضوی بلال کریمی نینگ اوقیتووچیلر ایستکلری خصوصیده ایتیشیچه، اولرنینگ حقوقلری بیریلیشی اوچون سعی و حرکتلرنی دوامی بار و یقین کیلهجکده بوتون اوقیتووچیلرنینگ حقوقلری توللنهدی. اونینگ کوپهیتیریشیچه، قیزلر مکتبلری اسلامی شریعت اساسیگه بیر برنامه توزهلگنیدن سونگ، آچیلهدی.
ایتیلیشیچه، افغانستانده اسلامی امارت حاکم بولگنیدن سونگ، قیز اوقووچیلرگه مکتب باریش اوچون رخصت بیریلمهگن و اسلامی امارت نینگ بو حرکتی جدی واکنشلر بیلن روپهره بولگن.