تهران ده یولگه قوییلگن ییغینده افغانستان دولتی نماینده‌لیگی گه هیچ‌کیم اشتراک قیلمه‌گن، لیکن اوشبو ییغین ده افغانستانده هرتامانلمه دولت ایجاد ایتیلیشی خصوصیده کیلیشوو صورت تاپگن. مذکور ییغین اداغیده اشتراک قیلگنلر بیر اعلامیه نشر قیلیب و افغانستان قیینچیلیگی گه مسوول مملکت‌لردن تعهدلریگه عمل قیلیش‌لرینی سوره‌گنلر.
اعلامیه ده ایتیلیشیچه، اوشبو مملکت‌لرنی افغانستانگه اقتصادی نقطه‌نظردن یاردم بیریب و انسان دوست‌لیک یاردم‌لر ارایه قیلیشی کیره‌ک.
مذکور اعلامیه ده افغانستانده‌گی تروریستی هجوم‌لر جمله‌دن قومی و مذهبی گروه گه قرشی اویوشتیریلگن هجوم‌لر قاره‌لنگن.
بیراق، سیاسی ایش بیلرمانلردن بیرقطاری نینگ ایتیش‌لریچه، ایران ییغینی افغانستان منفعتی‌گه ایمس.
سیاسی ایش بیلرمانلردن بیری سید اکبر آغا نینگ ایتیشیچه، مذکور ییغین ایران نینگ افغانستان ایچکی ایشلریگه دخالت قیلیشی‌نی کورسته‌دی.
اونینگ کوپه‌یتیریشیچه، اسلامی امارت شیعه‌لر حقلریگه حرمت قیله‌دی، لیکن تهران ییغینیده ایران شیعه‌لر حقلرینی مطرح قیلگن و بو عمل یخشی نتیجه بیرمه‌یدی.
سیاسی ایش بیلرمانلردن باشقه بیری محب‌الله شریف نینگ ایتیشیچه، قوشنی مملکت‌لر ایران ابتکاری اساسیگه اوزلری منفعتی‌گه بولگن حل یول‌نی پیشنهاد قیله‌دیلر.
اونینگ ایتیشیچه، ایران و پاکستان نینگ هرقنده‌ی دیپلماتیک سعی و حرکتی‌گه دقت قیلیش کیره‌ک.
تهران ییغینی خصوصیده اسلامی امارت رسمی‌لری نینگ فکرینی آلیش اوچون سعی و حرکت قیلدیک، لیکن موفق بولمه‌دیک.
بیراق، اسلامی امارت سوزلاوچیسی نینگ اورین باسری بلال کریمی، اوتگن کونی بیرقطار میدیالر بیلن صحبت اوتکزیب خلق ارا اصوللریگه عمل قیلیش و منطقه و دنیا بیلن یخشی رابطه قوریش اوچون سعی و حرکت قیلیش‌لرینی بیلدیرگن ایدی.
