افغانستان اسلامی وحدت حزب رهبری محمدکریم خلیلی، هزاره‌لر نینگ «نسل کش‌لیگی» توخته‌تیلیشی گه دایر دادخواهی‌لیک دن حمایت قیلیب ایتیشیچه، دنیا همجمعیت اینیقسه بیرلشگن ملت‌لر تشکیلاتی اوشبو دادخواهی‌لیککه دقت قیلیشی لازم.
جناب خلیلی بوگون (سه‌شنبه، ۱۲ میزان) بیر پیام آرقه‌لی ایتیشیچه، کاج تعلیمی مرکزی گه اویوشتیریلگن هجوم دهشتلی و فاجعه‌لی ایدی که قربانی‌لر نینگ عایله اعضالری، هزاره‌لر و عموماً آلگنده، افغانستان خلقی ییل‌لر بویلب مذکور هجوم‌نی ایسدن چیقرمه‌یدیلر؛ بیراق دادخواهی‌لیک اوچون آدم‌لر نینگ اتفاق‌لیک بیلن توختش‌لری، کیله‌سی کون نینگ آیدین‌لیگیدن درک بیره‌دی.
بیزلرنینگ فیسبوک صحیفه‌میزگه باش اورینگ!
جناب خلیلی، اوشبو کینگ کولملی و میلیونی دادخواهی‌لیک حرکت، افغانستان هزاره‌لری و شیعه‌لری نینگ احوالی گه دایر دنیا جماعه‌چیلیگی نینگ دقتینی جلب قیلیشگه امید بیلدیره‌دی.
جناب خلیلی نینگ پیامیده کیلیشیچه: «بو موضوع گه دقت قیلمسلیک، اوروش کوچه‌یشی و صلح تهدید ایتیلیشی گه سبب بوله‌دی.»
افغانستان اسلامی وحدت حزب رهبری، افغانستان خلقی دن، هماهنگ‌لیک و برادرلیک بیلن، تویتری و اجتماعی ترماق‌لرده دادخواهی‌لیک اوچون حضورلرینی کوچه‌یتیریشنی طلب قیلگن.
بیزلرنینگ توییترده هم تعقیب قیلینگ!
جمعه کون، ۸ میزان، پایتخت کابل غربی قسمیده جایلشگن کاج تعلیمی مرکزی گه اویوشتریلگن هجوم، ایریم مناسبت‌لر و اعتراض‌لر گه روپه‌ره بولگن.
