بیرلشگن ملتلر تشکیلاتینینگ ایتیشیچه، هوا اوزگریشلری ایکینچیلیک محصوللری کمهیشی و طبیعی آفتلر کوپهیشی بیلن بیرگه، افغانستان یشاوچیلری حیاتی و تیریکچیلیگینی جدی شکلده تهدید قیلهدی.
مذکور تشکیلاتنینگ بوگون (۱۱-اسد، یکشنبه)، بیر گزارش آرقهلی کوپهیتیریشیچه، ییلده افغانستان ده ۲۰۰ مینگدن آرتیق کیشی هوا اوزگریشلری عاقبتلریدن تاثیرلنهدی.
بیرلشگن ملتلر تشکیلاتیگه کوره، ۲۰۲۵-ییل فبروری آییدن جولای آییگچه، افغانستان ده توستدن یوز بیرگن یاغینگرچیلیکلر و سوو تاشقینلر نتیجهسیده، اونلب کیشی اولیب و یرهلنگن همده اویلر، ایکینچیلیک ییرلر، آستقورمهلر و یشاوچیلرنینگ تیریکچیلیک منبعلری اورتهدن کیتگن.
بیرلشگن ملتلر تشکیلاتینینگ اورغولشیچه، افغانستان ده طبیعی آفتلر خوفلری مدیریت بولیشی و بو مملکت یشاوچیلری نیازلرینی حل قیلیش اوچون نیچه ولایت جملهدن پکتیا، کنر، کاپیسا و ننگرهار ده هوا اوزگریشلری بیلن ماسلشیش بولیمیده بیر قطار لایحهلرنی عملگه آشیرگن.
افغانستان، هوا اوزگریشلری برابریده جبرلنهدیگن مملکتلردن بیری دیر. بوندن آلدین اسلام امیرلیگی یشش محیطنی سقلش ادارهسی، هوا اوزگریشلری سلبی تاثیرلری کمهیشی مقصد، ۲۲ میلیارد دالر و دنیا همکارلیگیگه نیاز بارلیگینی ایتگن ایدی.
