انسان حقلرینی کوزهتووچی تشکیلات، بوگون (سهشنبه، ۱۵ سنبله) بیر گزارش ترقهتیب ایتیشیچه، افغانستان ده اسلامی دولت (داعش گروهی نینگ خراسان شاخهسی، هزارهلر و باشقه آزچیلیک ایلت (قبیله) لرنی مسجدلر، مکتبلر و ایش جایلریده نیچه مراتبه نشانگه آلگن.
انسان حقلرینی کوزهتووچی تشکیلات اوز گزارشیده کوپهیتیریشیچه، اوتگن بیر ییل ده افغانستان بویلب اسلامی امارت حاکمیت نی قولگه آلیشیدن کیین، داعش گروهی هزارهلر گه قرشی اویوشتیریلگن ۱۳ هجوم مسئولیتینی ذمهسیگه آلیب و باشقه اوچ هجوم اولر گه نسبت بیریلگن. مذکور هجوملرده، ۷۰۰ هزاره اولیب و یرهلنگن.
اوشبو نهاد گه کوره، اسلامی امارت تاماندین میدیالر گه یرهتیلگن چیکلاو باعث، ولایتلرده احتمالاً اویوشتیریلگن هجوملردن گزارش بیریلمهگن.
بیزلرنینگ فیسبوک صحیفهمیزگه باش اورینگ!
انسان حقلرینی کوزهتووچی تشکیلاتیده افغانستان وضعیتینی تیکشیریش تدقیقاتچی فرشته عباسی گه کوره: «اسلامی امارت حاکمیتیدن کیین، داعش جنگریلری هزارهلر گه قرشی دهشتلی هجوملرنی اویوشتیرگن.»
انسان حقلرینی کوزهتووچی تشکیلات نینگ ایتیشیچه، اسلامی امارت خطر گه دوچ کیشیلردن دفاع قیلیب و هجوم طفیلی قربان بولگنلر نینگ عایلهلری گه یاردم بیریشی کیرهک.
شونینگدیک انسان حقلرینی کوزهتووچی تشکیلات نینگ گزارشیده کیلیشیچه، داعش گروهی نینگ هزارهلر و باشقه آزچیلیک قوملر گه قرشی هجوملری خلقارا انسان پرورلیک قانون_قاعده گه قرشی دیر. مذکور نهاد گه کوره، تینچ اهالی گه قرشی هجوملر اوروش جنایتی سنلهدی.
بیزلرنینگ توییترده هم تعقیب قیلینگ!
انسان حقلرینی کوزهتووچی تشکیلات نینگ کوپهیتیریشیچه، بو گَل هجوملر انسانی تلفات گه قوشیمچه، اقتصادی، جسمی و روانی قیینچیلیکلر گه سبب بولهدی.
انسان حقلرینی کوزهتووچی تشکیلات نینگ ایتیشیچه، اسلامی امارت رسمیلری، هزارهلر و شیعیهلر شامل خطر گه دوچ آزچیلیک قوملردن دفاع قیلیشی کیرهک.