مملکت طلبه‌لری گه اسلامی امارت عالی اوقوو وزیرلیگی تامانیدن سابق چیکلاولر یانیده، حاضر ایسه طلبه‌لردن قطاری ینگی چیکلاولر نینگ وضع بولگنیدن خبر بیره‌دیلر. مذکور طلبه‌لر نینگ ایتیش‌لریچه، تعلیم و تحصیل گه یره‌تیلگن چیکلاولر دوامی، افغانستانده تحصیلی فاجعه گه سبب بولیشی ممکن.
کابل بیلیم یورت طلبهلریدن میلاد نجیب نینگ ایتیشیچه، چیکلاو یره‌تیش، اولرنی تحصیلی فاجعه بیلن روپه‌رو قیلیشی ممکن. اونینگ کوپه‌یتیریشیچه، شونینگدیک اولر نینگ اوقیتووچیلری باسیم آستیده قرار تاپیب و حتی اسلامی امارت استخبارات تامانیدن تعقیب آستیده قرار تاپگنلر. اوشبو طلبه نینگ اورغولشیچه، اوقیتووچیلری گه فشار کیلتیریش سبب، اولر نینگ درسی ساعت‌لریدن کوپینچه‌سی اوقیتووچی سیز شکلده اوتگن.
باشقه بیر تاماندن، طلبه‌لر و اوقیتووچیلر گه رسانه‌لر بیلن صحبت اوچون رخصت بیریلمه‌یشی عالی اوقوو نینگ باشقه قیین‌چیلیک‌لریدن دیر. البیرونی بیلیم یورت طلبهلریدن قطاری نینگ ایتیش‌لریچه، مذکور بیلیم یورت رسمی‌لری نینگ ایتیش‌لریچه، طلبه‌لر رسانه‌لر بیلن صحبت قیلش گه حقی یوق.
بیزلرنینگ فیسبوک صحیفه‌میزگه باش اورینگ!
البیرونی بیلیم یورت طلبهلریدن باشقه بیری نعمت‌الله نینگ سلام‌وطندار گه ایتیشیچه: «بیلیم یورتی‌میز نینگ تدریسی بولیمی گه بیر اطلاعیه کیلگن ایدی، بیزلرگه شونچه ایتدیلر که خواهش قیله‌میز سیسلی و تصویری رسانه‌لر بیلن صحبت قیلمه‌ینگلر.»
بلخ بیلیم یورت اوقیتووچیلریدن بیری رسانه‌لر بیلن صحبت قیلیش گه اجازه‌سی یوقلیگی اوچون اسمی نی گزارش‌ده ذکر بولمه‌یشی نی سوره‌ب و ایتیشیچه، اوشبو بیلیم یورت‌ده فکر و اندیشه آزادلیگی یوق. اونگه کوره، اولر اسلامی امارت مسئوللری برابریده مدنی ایسته‌کلری نی ایته‌آلمه‌یدیلر.
شونده‌ی بیرحالده، اقتصادی قیین‌چیلیک‌لر مملکت بیلیم یورت اوقیتووچیلری نینگ باشقه قیین‌چیلیک‌لریدن دیر. شونینگدیک اوقیتووچیلردن باشقه بیری کیم‌لیگی سیر قالیش شرطی بیلن ایتیشیچه، عالی اوقوو وزیرلیگی سرپرستی اوتگن یک‌شنبه کونی بیر ییغین اوتکزیب اوقیتووچیلر گه خطاب قیلیب ایتگن که؛ معاش‌دن گپریمه‌ینگ چونکه اونگه کوره، اوقیتووچیلر سابق تیزیم‌ده کوپ معاش آلگنلر.
بیزلرنینگ توییترده هم تعقیب قیلینگ!
شونینگدیک عالی اوقوو محدودیت‌لری آره‌سیده طلبه‌لر نینگ کییمی هم شامل دیر؛ قیزلر نینگ حجابی گه علاوه شونینگدیک ایرککلر هم ساقال و سنتی کییم بیلن بیلیم یورت گه باریش‌لری کیره‌ک. بدخشان طلبهلریدن قطاری نینگ سلام‌وطندار گه ایتیش‌لریچه، اسلامی امارت مسئوللری ایرکک طلبه‌لر گه، سنتی کییم و ساقال بیلن بیلیم یورت گه کیلیش‌لری نی ایتگن.
ایتیش کیره‌ک که، مملکت‌ده اسلامی امارت نینگ قدرت گه ایریشگنی بیلن افغانستان علمی جماعه‌سی کوپینچه قیین‌چیلیک بیلن روپه‌رو بولگن. سلام‌وطندار نینگ سابق گزارشلری اساسیده، شونینگدیک طلبه‌لر بیلیم یورت‌ده موبایل‌دن هم قوللنه آلمه‌یدیلر. بوندن آلدین، قیز طلبه‌لر ایتگن ایدیلر که اوشبو چیکلاولر اولرنی علمی سایت‌لر و تکنولوژی‌دن فایده‌لنیش بوییچه اولرنی قیینچیلیککه روپه‌رو قیلگن.
