عالی اوقوو وزیرلیگی سرپرستی عبدالباقی حقانی نینگ ایتیشیچه، اقتصادی قیین‌چیلیکلر و باشقه قیینچلیکلر باعث، مملکت ۴۰ دولتی بیلیم‌یورتی ده تحصیل پروسه‌سی توخته‌گن، بیراق بو قیینچلیکلر حل ایتیلیشی اوچون سعی و حرکت‌لرنی دوامی بار.
عالی اوقوو وزیرلیگی سرپرستی نینگ ایتیشیچه، خصوصی و دولتی بیلیم یورتلرده قیز اوقووچیلر اوچون ایری درسی صنفلر و توغری محیط ایجاد ایتیلیشی اوچون سعی و حرکت نینگ دوامی بار و دولتی بیلیم یورتلرده تعلیم پروسه‌سی نینگ تیزلیککه باشلنیشی ممکن.
بیزلرنینگ فیسبوک صحیفه‌میزگه باش اورینگ!
عالی اوقوو وزیرلیگی سرپرستی اوشبو ییغین‌ده ایتیشیچه، مملکت‌ده عالی اوقوو دنیا معیارلری بیلن برابر بولیشی اوچون، ییگیتلر نینگ باشقه مملکت‌لرده تعلیم کوریشلری گه نیاز دیر و اولر بو زمینه نی فراهم قیلیش اوچون قوشنی و قطاری مملکتلر نماینده‌لری و ایلچیلری بیلن اوچره‌شگنلر.
حقانی نینگ کوپه‌یتیریشیچه، اوتگن ۴ آیده افغانستان اوقووچیلری نینگ قیینچیلیکلری نی حل قیلیش اوچون ایران و ترکیه ایلچیلری بیلن اوچره‌شیب و اوقووچیلر نینگ قیینچیلیکلری خصوصیده، اولر بیلن سوزلشگنلر. اونگه کوره، افغانستان اوقووچیلری نینگ قیین‌چیلیکلرینی حل قیلیش اوچون ایران، پاکستان، اوزبیکستان و ترکیه مملکت‌لریده قوشمه تخنیکی تیم‌لر تشکیل بولیب و بو توغریده عملی فعالیت‌لری باشلنگن.
عالی اوقوو وزیرلیگی سرپرستی نینگ ایتیشیچه، شونینگدیک اولر دولتی بیلیم یورتلر یانیده خصوصی بیلیم یورتلر نینگ پیشرفتی گه توجه قیله‌دیلر.
بیزلرنینگ توییترده هم تعقیب قیلینگ!
شونینگدیک عالی اوقوو وزیرلیگی سرپرستی کانکور سیناویدن بی‌سرنوشت قالگن کیشیلر خصوصیده ایتیشیچه، بو زمینه‌ده خصوصی بیلیم یورتلر بیلن بیر کیلیشوو نامه امضا بولگن که ییگیتلر بو شرطلر نی تکمیل قیلیب ۲۰ الی ۷۰ فایز تخفیف بیلن اوشبو بیلیم یورتلرده تعلیم کورسینلر.
عالی اوقوو وزیرلیگی سرپرستی بو بیانات نی مطرح قیلگن بیرحالده، سونگی اوزگریشلردن کیین، مملکت‌ده تعلیم تیزیمی تاثیر آستیده قرار تاپگن و ییگیت‌لردن قطاری تعلیم نی دوام بیرمه‌ی، مملکتدن چیقیش گه سعی و حرکت قیلماقده‌لر.
