اوتگن کون بدخشان ده ایچیم‌لیک سوو، برق و امنیت تأمین‌لنیشی اوچون کینگ بیر ناراضلیک نمایش یولگه قوییلدی، بیراق بو ناراضلیک نمایش زوروانلیککه تارتیلدی. بدخشان حاکمی و پولیس اعتراضچیلرنینگ اوستیگه اوق آتگنیدن کیین، بو اعتراض زوروانلیککه تارتیلگن.
بدخشان اعتراضچیلری والی و پولیس تامانیدن اوققه آستیده آلینگنی، نماینده‌لر کینگش اعضالری نینگ عکس‌العمل‌لریگه روپه‌رو بولگن.
نماینده‌لر کینگش باشلیغی میررحمان رحمانی، کینگش نینگ بوگونگی عمومی ییغینیده ایتیشیچه، بدخشان ده اعتراضچیلر ولایت مسئوللری و والی تامانیدن اوق آستیده آلینیشی قبول قیلینمه‌یدیگن دیر و بو مذکور ولایتده‌گی مدنی ارزشلرگه جدی ضرر ییتیشتیرگن.
بیزلرنینگ فیسبوک صحیفه‌میزگه هم باش اورینگ!
او، حادثه نینگ قنده‌یلیگی نی تیکشیریش اوچون کینگش نینگ ایچکی خوفسیزلیک کمیسیونی گه وظیفه تاپشیرگن.
اونینگ کوپه‌یتیریشیچه: «بدخشان ده اعتراضچیلر ولایت مسئوللری اینیقسه والی تامانیدن اوق آستیده آلینیشی قبول قیلینمه‌یدیگن دیر و بو مدنی ارزشلرگه جدی ضرر ییتیشتیرگن. بو توغریده تحقیق قیلیش اوچون کینگش نینگ ایچکی خوفسیزلیک کمیسیونی گه وظیفه تاپشیریلگن.»
بدخشانلیک اعتراضچیلر بوگون چهارشنبه ولایت دفتری یقیین‌لیگیده تحصن خیمه قوریب و بدخشان حاکمی چیتلنتیریلیشی و محکمه قیلنیشی توغریسیده شعار بیریشگن.
نماینده‌لر کینگش اعضالریدن بیری حجت‌الله خردمند نینگ ایتیشیچه، بدخشان اهالیسی یالغیز سیس‌لرینی والی نینگ قولاغیگه ییتیشتیریش نی ایسته‌‌گن ایکنلر، بیراق والی اهالی نینگ مدنی حرکتی نی اوق بیلن جواب بیرگن.
جناب خردمند نینگ ایتیشیچه، بدخشان اهالیسی نینگ ایسته‌گی مذکور ولایت حاکمی چیتلنتیریلیشی و اونینگ عدلی و قضایی اداره‌لرگه تانیشتیریلیشی دیر.
بیزلرنینگ توییترده هم تعقیب قیلینگ!
خردمند نینگ کوپه‌یتیریشیچه: «بدخشان نینگ سووسیز اهالیسی والی دن جواب آله‌دیگن بیر پیتده اوق بیلن استقبال بولگنلر. اهالی نینگ یالغیز ایسته‌گی ولایت حاکمی چیتلنتیریلیشی ایمس، بلکیم اونینگ عدلی و قضایی اداره‌لرگه تانیشتیریلیب و ممنوع‌الخروج اعلام قیلینیشی دیر.»
نماینده‌لر کینگش اعضالریدن باشقه بیری واقف حکیمی نینگ ایتیشیچه، بدخشان نینگ ایچکی وضعیتی کوپ خواطرلی دیر و بو وضعیت دولت گه قرشی قوراللی کیشیلر تامانیدن ایمس، بلکیم ولایت حاکمی تامانیدن اورته گه کیلگن.
رسمی رقم‌لرنینگ کورستیشیچه، بدخشان ده اعتراضچیلرنینگ اوق آستیده آلینیشی عاقبتیده اوچ اعتراضچی هلاک و باشقه ۳۰ کیشی ایسه یره‌لندی، بیراق بدخشان ملت وکیللریدن قطاری نینگ ایتیش‌لریچه، هلاک بولگنلر سانی ۹ کیشی و یره‌دارلر رقمی ایسه ۴۰ کیشی گه ییتیشگن.
