آمریکا حربیلری نینگ قوشمه ستادی باشلیغی جنرال مارک میلی نینگ ایتیشیچه، افغانستان نینگ 419 تومنی جملهسیدن کمیده 200 تهسی طالبان نظارتیگه اوتگن، لیکن اوشبو گروه گه ولایتلرنینگ مرکزلرینی تصرف قیلیش کوچی یوق.
جناب مارک میلی اوتگن کونی اوشبو مملکت مدافعه وزیری لوید آستین بیلن خبر بیر ییغین اوتکزیب آمریکا، افغانستان امنیتی وضعیتینی نظارت قیلهدی و نیاز بولگن صورتده، افغانستان امنیتی و دفاعی کوچلریدن حمایت قیلهدی.
مارک میلی نینگ تاکید قیلیشیچه، معلوماتلرگه کوره، طالبان گروهی 419 تومن جملهسیدن 212 تهسینی تصرف قیلگن. اونینگ کوپهیتیریشیچه، طالبان گروهی هیچبیر ولایت نینگ مرکزینی تصرف قیلیشگه موفق بولمهگن و افغانستان امنیتی کوچلری کته شهرلرنینگ یشاوچیلریدن حفاظت قیلیش اوچون کوچلرینی جایلشتیرماقده دیر.
آمریکا حربیلری نینگ قوشمه ستادی باشلغیگه کوره، افغانستان کیلهجگی کامل صورتده اوشبو مملکت یشاوچیلری نینگ قولیگه دیر.
عینحالده، آمریکا مدافعه وزیری لوید آستین نینگ اوشبو ییغینده ایتیشیچه، اوشبو مملکت حربیلری نینگ افغانستاندن چیقیش جریانینی دوامی بار و قالگن حربیلرنی کیلهسی بیر آی گچه افغانستاندن چیقیشلری ممکن.
آمریکا مدافعه وزیری نینگ تاکید قیلیشیچه، اوشبو مملکت حربیلرینی آمریکا نینگ افغانستاندهگی دیپلماتیک حضوریدن حفاظت قیلیشی کیرهک. آمریکا حربیلری نینگ افغانستاندن چیقیش جریانی جاری ییل می آیی ده باشلنگن ایدی.
