بلخ ولایتی نینگ کلدار تومنی اوتگن کونی عصر چاغیده، کامل صورتده دولت نظارتی‌گه ایدی. بلخ حاکمی فرهاد عظیمی اوشبو تومن‌نی امنیتی کوچلر کنترلی‌‌گه بولگنیدن خبر بیریب و شورتپه تومنی‌نی طالبان وجودیدن تازه‌لش اوچون عملیات یولگه قوییلیشی‌نی بیلدیرگن ایدی، لیکن اوشبو تومن اوتگن کیچه طالبان قولیگه سقوط قیلیب و دولتی کوچلر حیرتان بندری شهرچه‌سیگه جایلشگن‌لر.
محلی و امنیتی منبع‌لرنینگ کیم‌لیکلری سیرقالیش‌نی ایسته‌ب سلام‌وطندارگه ایتیش‌لریچه، بلخ ولایتی نینگ کلدار تومنی و سمنگان ولایتی نینگ فیروز نخچیر تومنی اوتگن کونی شام چاغیده طالبان قولیگه سقوط قیلگن و اوشبو تومن‌لرده بولگن امنیتی و مردمی کوچلر باشقه قوشنی مکان‌لرگه جایلشگن‌لر.
بلخ ولایتی کینگش باشلیغی محمد افضل حدید نینگ کلدار و فیروز نخچیر تومن‌لرینی طالبان قولیگه سقوط قیلگنی‌نی تصدیق‌لب ایتیشیچه، امنیتی و دفاعی کوچلر حاضرده حیرتان شهرچه‌سیده جایلشگن‌لر. اونینگ ایتیشیچه، خلم تومنی فیروز نخچیر تومنی بیلن قوشنی دیر و اوشبو تومنی طالبان قولیگه سقوط قیلیشی‌گه توسیق بولیش اوچون دولت لازم تدبیرلرنی قولگه آلگن.
عین‌حالده، محل یشاوچیلری نینگ وضعیت یمان بولگنیدن خواطر بیلدیریب ایتیش‌لریچه، اهالی خواطرگه دیر و قاچیب کیتیش‌نی توشینه‌دیلر.
ایتیلیشیچه، اوتگن ۲۴ ساعت جریانیده بلخ ولایتی نینگ کلدار تومنی شامل مملکت باشقه ۴ ولایتیده ۴ تومن طالبان قولیگه سقوط قیلگن. کاپیسا ولایتی نینگ اله‌سای تومنی، سمنگان ولایتی نینگ فیروز نخچیر تومنی، قندهار ولایتی نینگ خاکریز تومنی و غزنی ولایتی نینگ گیلان تومنی طالبان قولیگه سقوط قیلگن تومن‌لر جمله‌سیدن دیر.
