لوگر معلومات و مدنیت ریاست رئیسی رفیع‌الله صمیم نینگ سلام‌وطندار گه ایتیشیچه، اوشبو ولایت‌ده محلی مسئوللر، ییگیت‌لر و خبرچیلردن قطاری پکتیکا ده زلزله عاقبتیده زیان کورگنلر اوچون یاردم توپلش کمپاینی نی یولگه قوییگنلر.
لوگر معلومات و مدنیت ریاست رئیسی نینگ کوپه‌یتیریشیچه، نقد پول و قان ساوغه‌لریدن عبارت بیر مقدار یاردم‌لر اهالی و اداره‌لر تامانیدن توپلنگن و اوشبو کمپاین ایکی کونگچه دوام تاپیشی کوتیله‌دی.
بیزلرنینگ توییترده هم تعقیب قیلینگ!
شونده‌ی بیرحالده، لوگر ساغلیک نی سقلش ریاست رئیسی قدرت‌الله عادل نینگ ایتیشیچه، ۶ آمبولانس، دارو و ساغلیک بیر تیم اوشبو ولایت‌دن یره‌دارلر قیین‌چیلیک‌لری نینگ حل قیلینیشی اوچون پکتیکا گه یوباریلگن.
شونینگدیک ییگیت‌لردن قطاری نینگ سلام‌وطندار گه ایتیش‌لریچه، کمپاین جریانی‌ده، پکتیکا‌ده‌گی یره‌دارلر گه قان ساوغه‌لگنلر و اوشبو ولایت‌ده‌گی زیان کورگن عایله‌لر گه کوپینچه یاردم توپلنیشی اوچون سعی و حرکت قیلینه‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، منبع‌لر پکتیا ولایتیده هم، اوتگن کون یوز بیرگن زلزله‌دن زیان کورگن عایله‌لر گه یاردم توپلش کمپاینی نینگ یولگه قوییلگنیدن خبر بیرگنلر.
ایتیش کیره‌ک که، مملکت‌لردن قطاری و خلق‌ارا تشکیلات‌لر هم خوست و پکتیکا ولایت‌لری گه انسان‌دوستلیک یاردم‌لری نی یوبارگنلر.
