پکتیکا و خوست ولایت‌لریده زلزله یوز بیرگنیدن ۴ کون اوتگنی بیلن، زیان کورگنلردن قطاری نینگ ایتیش‌لریچه، حاضرگچه دستلبکی یاردم‌لر گه عاجل احتیاج‌لری بار. اولر اسلامی امارت‌دن یاردم ترقه‌تیش پروسه نینگ تیزلنیشی نی ایسته‌یدیلر.
پکتیکا ده زلزله عاقبتیده زیان کورگنلردن بیری حاجی رسول نینگ ایتیشیچه: «ییترلیچه ییمک و باشقه نرسه‌لریمیز یوق. برچه نرسه‌میز اورته‌دن کیتگن. بیزلر شو ییرده اوی‌سیز و جای‌سیز شکلده حیات کیچیره‌میز. زلزله عاقبتیده کوپینچه زیان ییتیشگن.»
بیزلرنینگ توییترده هم تعقیب قیلینگ!
شونینگدیک زیان کورگنلردن باشقه بیری احمد ولی نینگ ایتیشیچه، حیات کیچیریش اوچون دستلبکی امکانیت‌لری یوق و کییم، خیمه و ییمککه عاجل نیازلری بار.
گرچند طبیعی حادثه‌لر گه قرشی کوره‌ش وزیرلیگی مسئوللری یاردم‌لر ترقه‌تیلیشی خصوصیده هیچ بیر فکر بیلدیرمه‌دیلر، بیراق پکتیکا ولایتی‌ده زلزله عاقبتیده زیان کورگنلر گه یاردم توزیع قیله‌دیگن کمیته عضوی محمد یاسین، زیان کورگنلر گه ییترلی یاردم‌لر نینگ ییتیشمه‌گنی نی قبول قیله‌دی.
اونینگ ایتیشیچه: «برمل، خوگیان و سپیری تومن‌لریده ۹۵۰دن ۱۰۰۰گچه تلفاتی‌میز بار. ۵۰۰دن ۲۰۰۰گچه یره‌داریمیز بار. ۵۰۰۰ اوی خراب بولگن. ییگولیک ماده و خیمه گه احتیاج‌لری بار.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، بوگون افغانستان صناعت‌چیلر انجمن مسئوللری خبری بیر ییغین‌ده اسلامی امارت‌دن، پکتیکا و خوست ولایت‌لریده‌گی زیان کورگنلر گه یاردم‌لر کوپه‌یب و عادلانه شکلده ترقه‌تیلیشی نی ایسته‌گنلر.
ایتیش کیره‌ک که، پکتیکا و خوست ولایت‌لریده زلزله یوز بیرگنیدن کیین، ایچکی و تشقی یاردم بیرووچی نهاد‌لر و مملکت‌لردن قطاری، انسان‌دوستلیک یاردم‌لری نی نقدی و غیر نقدی شکلده زیان کورگنلر گه اختصاص بیردیلر.
