خوست ولایتی محلی مسئوللری و یشاوچیلری نینگ سلاموطندار گه ایتیشلریچه، چاروالریدن قطاری «لمپی سکین» (تیری) کسللیگیگه چلینیب تلف بولگن.
خوست ایکینچیلیک، چارواچیلیک و سوغاریش ریاست باشلیغی مولوی عبدالصمد نینگ ایتیشیچه، اوشبو کسللیک بو لایت نینگ ایریم منطقهلری گه ترقهلگن و حاضرگه قدر ۲ مینگ دن آرتیق سیگیر تلف بولگن.
اونگه کوره، اوشبو کسللیکنی آلدینی آلیش اوچون ییترلیچه امکانیتلری یوق و اولر بیلن حاضرگه قدر هیچ بیر همکارلیک بولمهگن.
بیزلرنینگ فیسبوک صحیفهمیزگه باش اورینگ!
عینحالده، خوست یشاوچیلریدن قطاری نینگ ایتیشلریچه، ایکی آی آلدین چاروالری مذکور کسللیککه چلینگنی سیزیلدی که اوشه زمانده بو موضوع مسئوللر بیلن شریک قیلیندی، بیراق ایکینچیلیک ریاستی، حاضرگچه بوتوغریده همکارلیک قیلمهگن.
اولرگه کوره، بو بیمارلیک ترقهلماقده و سیگیرلریدن قطاری اوشبو ویروس گه چلینیشی باعث تلف بولگن.
خوست یشاوچیلری نینگ ایتیشلریچه، کوپ سانده عایلهلر «سوت و قتیق» ساتیش بیلن عایلهلری نینگ خرجتینی تأمینلهیدی، اوشبو کسللیک ترقهلیشی آدملر اینیقسه چاروادارلرنی اقتصادی قیینچیلیک بیلن روپهره قیلگن.
بیزلرنینگ توییترده هم تعقیب قیلینگ!
گزارشلر اساسیده، خوست ولایتیگه قوشیمچه مذکور کسللیک باشقه بیر قطار ولایتلرده کوریلگن.
مسئوللر نینگ ایتیشلریچه، اهالی اوشبو کسللیکنی آلدینی آلیش اوچون شخصی خرجت بیلن حیوانلرینی واکسین قیلیشنی باشلهگنلر.