قندوز ولایتی یاش‌لری و فرهنگی‌لریدن قطاری نینگ ایتیشلریچه، کتاب اوقیش فرهنگی اوتگن ییل‌لر گه نسبتن کوزگه کورینرلی درجه ده کمه‌یگن. اولر نینگ ایتیشلریچه، یاش‌لر بوگون‌لیک کونده مطالعه قیلیش و کتاب ساتیب آلیش اورنیده اجتماعی ترماق‌لرده‌گی اویین‌لر بیلن مصروف دیر که اولر نینگ اوستیگه سلبی تاثیر قیلیشی ممکن.

قندوز فرهنگی‌لریدن محمد صوفی‌زاده نینگ ایتیشیچه، حاضرگی شرایط ده مطالعه قیلیش و کتاب اوقیش فرهنگی بوتونلی اورته‌دن کیتگن و یاش‌لر نینگ مطالعه قیلیش اوچون علاقه‌سی یوق دیر.

جناب صوفی‌زاده گه کوره، کتاب اوقیش فرهنگی کمه‌یشی بیلن، کتاب ساتووچیلردن قطاری، کتاب ساتووچیلیک دن قول تارتیب و باشقه ایشگه یوز کیلتیرگن.

بیزلرنینگ فیسبوک صحیفه‌میزگه باش اورینگ!

او قندوز ده‌گی یاشلردن، کونده مصروفیت‌لری یانیده کمیده ۲۰ دقیقه کتاب مطالعه قیلیش‌لرینی سوره‌یدی.

اونینگ ایتیشیچه: «تأسف بیلن حاضرگی شرایط ده مطالعه فرهنگی بوتونلی اورته دن کیتگن، یاشلر نینگ هیچ قنده‌ی علاقه‌سی یوق دیر، احتمالاً مجازی ترماق‌لرده مطالعه قیلسه‌لر لیکن بو مطالعه میه‌لریده قالمه‌یدی، بیراق هیچ بیر یاشنی کتاب آلیب مطالعه قیلیشینی کورمه‌یپمن، استه_سیکین مطالعه فرهنگی اورته دن کیتماقده دیر.»

قندوز شهری ده گل ‌فروش‌لیک رسته‌سی دکاندارلریدن بولمیش محی‌الدین نینگ ایتیشیچه، کتاب علاقه‌مندلری کمه‌یشی سبب کتاب ساتووچیلیک دکانینی قویبارگن.

حاضر گل‌ فروش‌لیک دکانی بولگن محی‌الدین گه کوره، بوگونگی یاشلر کوپراق تکنالوژی ایشلری بیلن مصروف دیر و کوپراق نیازمندلیکلرینی انترنت آرقه‌لی حل قیله‌دیلر.

اونینگ کوپه‌یتیریشیچه، کتاب علاقه‌مندلری کمه‌یشی سبب کتاب ساتووچیلیک نی قوییب حاضر ایسه گل ساتوچیلیک قیله‌دی.

قندوز ده ضیایی فرهنگ مسئولی ضیاالحق ضیایی نینگ ایتیشیچه، اسلامی امارت حاکمیتیدن کیین، اقتصادی قیینچیلیک باعث کتاب اوقیش فرهنگی کمه‌یگن.

جناب ضیایی گه کوره، کوپ قطار ده فرهنگی کدرلر مملکت نی ترک ایتگن و قالگنلری هم اقتصادی معما طفیلی فعالیت قیلمه‌یدیلر.

قندوز ده ضیایی فرهنگ مسئولی، فرهنگی نهادلر بیر_بیری نینگ اویغون‌لیگی بیلن موجود قیینچیلیکلر حلی اوچون سعی و حرکت قیلیش‌لری گه امید بیلدیره‌دی.

باشقه تاماندن، قندوز معلومات و مدنیت باشلیغی مطیع‌الله روحانی نینگ ایتیشیچه، اوتگن نیچه آی ده کتاب ساتووچیلر اوچون اونملی برنامه‌لرنی یولگه قویگن ایدیلر.

بیزلرنینگ توییترده هم تعقیب قیلینگ!

جناب روحانی گه کوره، کتاب اوقیش فرهنگی رواجلنیشی مقصدیده ایریم برنامه‌لرنی نظرگه آلگنلر.

بو سوزلر عین‌حالده بیان بولماقده که، مملکت بویلب سونگی اوزگریش‌لردن کیین، قطار فرهنگی‌لر، یازووچیلر، شاعرلر مملکت نی ترک قیلیب و طلبه ییگیت‌لر هم نامعلوم کیله‌جک‌‌لری باعث اونچه‌لیک کتاب اوقیشمه‌یدی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام