کوره‌ش پهلوانلیک بیله‌شوی مملکت ملی سطح‌ده ۱۱ ولایت سپورتچیلری اشتراکی بیلن ایکی کونگچه قندوز میزبانلیگیده یولگه قوییلدی.
اوشبو بیله‌شو سه شنبه کونی ۲۴ حوت اوسمیر ییگیت‌لر و ییگیت‌لرآره‌سیگه باشله‌نیب و اوتگن کون چهارشنبه کیچقورن، ملی المپیک و بدن تربیه‌لش کمیته‌سی نینگ رئیسی، کوره‌ش عمومی فدراسیون نینگ رئیسی، قندوز حاکمی، عمری قول‌اردو قومندانی و مینگ‌لرچه تماشاچی و اوشبو رشته اشتیاق مندلری اشتراکیده، قندوز ولایتی نینگ «سپین‌زر» سپورت میدانی‌گه یکونلندی.
مملکت عمومی ملی المپیک و بدن تربیه‌لش کمیته رئیسی نظرمحمد اوشبو بیله‌شوده اشتراک ایتگن ایدی اونینگ ایتیشیچه، اوشبو بیله‌شوده اوزلریدن یخشی نمایش کورستیب غلبه قازانگن پهلوانلر، کیله‌جک‌لرده مملکت‌دن تشقریده هم غلبه قازانیب قهرمان بولیش‌لری ممکن.
فغانستان کوره‌ش فدراسیون نینگ فنی اورین باسری محمداشرف تقدیر نینگ سلام‌وطندارگه ایتیشیچه، اوشبو بیله‌شوو مملکت ۱۱ ولایتی نینگ ییگیت و کته یاشلی پهلوانلری اورته‌سیگه یولگه قویلدی.
بیزلرنینگ فیسبوک صحیفه‌میزگه باش اورینگ!
جناب تقدیر نینگ کوپه‌یتیریشیچه، اوشبو بیله‌شو یولگه قوییلمس‌دن آلدین مربی‌لرگه بیر دور اورگه‌نیش کورسی‌نی یخشی داورلیک قیلیش اوچون یولگه قویگن‌لر و بو ایکی کونده مربی‌لر هیچ قنده‌ی قیین‌چیلیک بیلن روپه‌رو بولمه‌گن‌لر.
مملکت کوره‌ش فدراسیون نینگ فنی اورین باسریگه کوره، اوشبو بیله‌شوده جوزجان ولایتی تورت آلتین مدال قولگه کیلتیریش بیلن مذکور بیله‌شوو قهرمانی اوله‌راق تانیلدی، قندوز ولایتی ایکی آلتین مدال قولگه کیلتیریش بیلن ایکینچی مقام و بدخشان ولایتی بیر آلتین مدال قولگه کیلتیریش بیلن اوچینچی مقام نی ایگه‌له‌گنلر.
اونینگ ایتیشیچه، اوشبو بیله‌شوده آلتین مدال قولگه کیلتیرگن پهلوان‌لرنی مملکت ملی تیمی‌ده، مملکت دن تشقری بیله‌شولرده اشتراک قلیش اوچون تنله‌یدیلر.
منصور سروری قندوز و عبدلابصیر جوزجان ولایتلری پهلوانلریدن دیرکه اوشبو بیله‌شوده آلتین مدال قولگه کیلتیرگن‌لر اولرنینگ ایتیشلریچه، اوشبو بیله‌شو که مملکت ملی سطح‌ده یولگه قوییلگن ایدی آلتین مدال قولگه کیریتگن‌لریدن خرسندلر.
بیزلرنینگ توییترده هم تعقیب قیلینگ!
بو ایکی پهلوان نینگ تاکید قیلیشیچه، مملکت‌دن تشقی مملکت‌لرگه کوره‌ش بیله‌شویده اشتراک قیلیب اوز مملکت‌لرگه مدال قولگه کیلتیریش اوچون کوپینچه، سعی و تلاش قیله‌دیلر.
ایتیش کیره‌ک دیرکه اوشبو بیله‌شو نینگ بیرینچی کونیده اوسمیرییگیت‌لر آره‌سیده یولگه قوییلگن بیله‌شوده قندوز ولایتی ۵ آلتین مدال قولگه کیلتیریش بیلن بیرینچی، تخار و جوزجان ولایتی‌لری بیر مدال قولگه کیلتیریش بیلن ایکینچی و اوچینچی مقام‌نی کسب قیلگن‌لر.
