دولت اسلام‌قلعه گمرکی ده‌گی یانغینده ضرر کورگن موترلر ایگه‌لریگه، اون اون مینگ دالر تاوان بیره‌دی.
هرات ده اسلام‌قلعه گمرکی ده ضرر کورگن موتردارلر نماینده‌سی بصیر آرین، بوگون (دوشنبه ۱۰- جوزا) مذکور ولایتده خبری بیر ییغین اوتکزیب ایتیشیچه، کمیده اوچ یریم آی دادخواهلیک قیلگن‌لریدن کیین، نهایتده ایکی کون آلدین دولت موتردارلرگه ۸ میلیون دالرنی اَجره‌تیش خصوصیده کیلیشگن.
جناب آرین نینگ ایتیشیچه، دولتی هیأت نینگ تیکشیرووی اساسیده، اسلام‌قلعه گمرکی ده یوزبیرگن یانغینده ۳۳ میلیون دالر ارزشی گه بیر مینگ و ۲۵۴ یوک تاشووچی و تیل تاشووچی موتر اوت گه یانگن.
بیزلرنینگ فیسبوک صحیفه‌میزگه هم باش اورینگ!
اونگه کوره، شونینگدیک صورت تاپگن تیکشیروولر اساسیده، اوتگه یانگن موترلر ارزشی هم ۴ میلیون دالر برآورد قیلینگن که مذکور موترلرنینگ تیمیری نی ساتیش و دولت نینگ ۸ میلیون دالر یاردمی بیلن، هر بیر موترنینگ ایگه‌سیگه ۱۰ مینگ دالر توللنه‌دی.
اسلام‌قلعه گمرکی ده یوزبیرگن یانغینده ضرر کورگن موتردارلر نماینده‌سی نینگ ایتیشیچه، شونینگدیک هیأت نینگ تیکشیرووی اساسیده، مذکور گمرک ده نفتی ماده‌لردن نمونه آله‌دیگن «TCRC» شرکتی، یانغین نینگ اصلی مسئولی تانیلگن.
«TCRC» شرکتی نینگ مالیه وزیرلیگی بیلن بیر قراردادی بار و حاضر دولت ضررلرنی توله‌ش اوچون، خلق‌ارا محکمه ده مذکور شرکت گه قرشی حقوقی دعوا آچگن. خلق‌ارا محکمه «TCRC» شرکتی نی مقصر اعلام قیلگن بیرحالده، مذکور شرکت ۳۳ میلیون دالر یانغین نینگ ضرری نی افغانستان دولتی گه توله‌ش گه مجبور دیر.
بیزلرنینگ توییترده هم تعقیب قیلینگ!
ضرر کورگن موترلر ایگه‌لری نینگ نماینده‌سیگه کوره، دولت نینگ «TCRC» شرکتی بیلن دعواسی نتیجه گه ایریشمه‌گن صورتده، موتردارلر دولت و مذکور شرکت گه قرشی حقوقی دعوالرینی قیته‌دن آچه‌دی.
اسلام‌قلعه گمرکی ده یوزبیرگن یانغینده یوک تاشووچی موترلری کویگن موترلر ایگه‌لریدن قطاری، دولت تامانیدن ۸ میلیون دالر اَجره‌تیلگنی ییترلی ایمس دیب و اورغولش‌لریچه، قالگن پوللری خلق‌ارا محکمه نینگ تیکشیرووی دن کیین «TCRC» تامانیدن تولله‌نیشی کیره‌ک.
اوتگن ییل ۲۵- دلو اسلام‌قلعه گمرکی ده یانغین یوزبیردی. مذکور یانغین ده ۳۷۰ تانکر شامل بیر مینگ دن آرتیق وارداتی توارلر موتری بوتونلی اوت گه یانگن.
