آدم اوغیرلاوچیلر اوتگن کون ۹ یاشر عبدالرووف نینگ عایله‌سیگه ینگی بیر پیام یوباریب آگاه‌لنتیریش‌لریچه، باشقه بیر هفته گچه بیر میلیون ۲۰۰ مینگ آمریکالیک دالر یوبارمه‌گن صورتده، فرزندلری نینگ هر بیر بدن اعضاسینی کیسیب و اولرگه یوباره‌دیلر.
عبدالرووف آته‌سی محمد نبی نینگ سلام‌وطندارگه ایتیشیچه، اوغلی نینگ جانیدن خواطرگه دیر و باشقه بیر هفته گچه بیر میلیون و ۲۰۰ مینگ دالر نی توله‌ش گه هم کوچی ییتمه‌یدی. او ینه بیر مرته حکومتدن یاردم سوره‌ب ایتیشیچه، حکومت اوغلی نی نجات بیرمه‌گن صورتده، آدم اوغیرلاوچیلر اونینگ هر بیر اعضاسینی کیسیب و اولرگه یوباریش‌لری ممکن.
بلخ ده ۹ یاشر عبدالرووف نینگ اوغیرلنگنیدن کمیده ۶ آی اوتماقده. مذکور باله نینگ اقارب‌لریگه کوره، حکومت بیر باله نی تاپیش گه کوچی ییتمه‌یدی و اولر ناامید بولگن و عبدالرووف نی قوییب یوباریلیشی اوچون اوزلری سعی و حرکت قیلماقده.
شونینگدیک بلخ ولایتی کینگش باشلیغی افضل حدید، عبدالرووف قوییب یوباریلیشی اوچون حکومت نینگ ناکام‌لیگیدن تنقید قیلیب ایتیشیچه، حکومت بو باله نی نجات بیریش اوچون حاضرگچه موفق بولمه‌گن.
شونده‌ی بیرحالده، نیچه کون آلدین بلخ حاکمی محمد فرهاد عظیمی، امنیتی کوچلر قوشمه شکلده عبدالرووف نی اَخته‌ریب کیلماقده دیگن ایدی.
۹ یاشر عبدالرووف بیر سوداگرنینگ اوغلی دیر کیم کمیده ۶ آی آلدین بلخ مرکزی مزارشریف شهریدن اوغیرلندی. عبدالرووف نینگ عایله‌سیگه کوره، فرزندلری باشقه نیچه کون گچه ۱۰ یاشر بوله‌دی. مذکور باله نینگ قییرده سقلنگنی توغریسیده حاضرگچه هیچ قنده‌ی معلومات یوق.
