اشرف غنی قاچیب کیتگنی و کابل طالبان قولیگه سقوط قیلگنیدن سونگ، مملکت بوییچه کوپ‌قطار دولتی اداره‌لر فعالیتی توخته‌تیلیب و اوشبو اداره ایشلاوچی‌لری ایش‌لرینی قولدن بیرگنلر.
بغلان ولایتی بوییچه ملکی خذمتلر ایشلاوچی‌لری نینگ ایتیش‌لریچه، مملکت‌ده کیلگن وضعیت سبب، ایش‌لرینی قولدن بیریب و اقتصادی قیینچلیکلری کوپه‌یگن.
اولرنینگ ایتیش‌لریچه، ایکی آی دن بویان حقوقلری توللنمه‌گن و حاضرده اقتصادی وضعیت‌لری یمان دیر.
خان‌علی ۶ کیشی‌لیک بیر عایله نینگ خره‌جتی تامین‌لشده مسوول دیر. اونینگ ایتیشیچه، بیر کونده بیر وقت اوقات ییدیلر.
اونینگ کوپه‌یتیریشیچه، سرنوشتی معلوم بولمه‌گنی، حاضرگی وضعیت نینگ دوامی و باله‌لری نینگ کیله‌جگی نی بیللی بولمه‌گنی خواطرلنترووچی دیر.
سابق حکومت ایشلاوچی‌لریدن باشقه بیری دین‌محمد نینگ ایتیشیچه، سابق حکومت سقوط قیلگنیدن سونگ، بغلان ده ییگولیک ماده بهاسی سابقه‌سیز شکلده یوقاری کیتگن.
عین‌حالده، پلخمری شهری یشاوچیلری نینگ ایتیش‌لریچه، ایش‌سیزلیک و کمبغللیک کوپه‌یگن و طالبان گروهی دن بازار وضعیتی‌نی کنترل قیلیشی‌نی ایسته‌یدیلر.
بوتوغریده طالبان رسمی‌لری فکرینی آلیش اوچون سعی و حرکت قیلدیک، لیکن موفق بولمه‌‍دیک.
