نیپال پولیسی، اوشبو مملکتنینگ شمالی حدودلریده توستدن یوز بیرگن سوو تاشقینی عاقبتیده کمیده ۱۵۷ کیشی هلاک بولگنی و ینه یوزلب کیشی بیدرک یوقالگنینی معلوم قیلدی.
خلقارا ییتکرمهلر، بوگون (۵سنبله/۲۷ آگست، پنجشنبه) ترقهتگن خبرلریده، اوشبو سوو تاشقینی تبت یقینیدهگی حدودلرده یوز بیرگن و اونینگ نتیجهسیده قیشلاقلر، یوللر، کوپریکلر و برق آست قوریلمهلری ضرر کورگن.
نیپال پولیسی، حاضرگچه ۱۵۷ کیشینینگ جسدی تاپیلگنی و قوتقرو عملیاتی دوام ایتهیاتگنینی معلوم قیلگن.
معلوماتلر اساسیده، دییرلی ۴۰۳ سیاحتچی جملهدن ۳۴۲ چیتایللیک سیاح، سوو تاشقینیدن سونگ بیدرک یوقالگن. نیپال پولیسی سوزلاوچیسی، ۲۸ پولیس عسکری بیدرک بولگنلر ایچیده بارلیگینی ایتگن.
حاضرگچه سوو تاشقینی قندهی یوز بیرگنی انیقلنمهگن؛ بیراق دستلبکی تیکشیرولر گه کوره، طبیعی یخچالنینگ بیر قسمی بوزیلگنلیگی توستدن سوو تاشقینی یوز بیریشیگه سبب بولگن بولیشی ممکن.