اوزبیکستان و هندوستان، سودا آلیش-بیریش مقدارینی میلادی ۲۰۳۰ ییلگه باریب بیش میلیارد دالر گه ییتکزیش گه کیلیشیب آلدیلر.
اوزبیکستان جمهورلیک ریاستی گه کوره، بوگون (۸ سنبله/۳۰ آگست، یکشنبه) اوزبیکستان جمهور باشلیغی شوکت میرضیایف و هندوستان باش وزیری نارندرا مودی کوکسرایده اوچرهشگن. تامانلر ایکی مملکت مناسبتلرینی ینگی باسقیچگه آلیب چیقیش مسئلهلرینی محاکمه قیلگنینی ایتگن.
اوشبو اوچرهشووده تامانلر شونینگدیک، سیاست، سودا-اقتصادی، سرمایه کیریتیش و مدنی همکارلیکنی کینگهیتیریش بوییچه مسئلهلرنی بحث گه آلگن. ییتکچیلر مناسبتلرنی کینگ قمراولی استراتیژیک شیریکلیک درجهسیگه آلیب چیقیش مهملیگینی تأکیدلهگن.
اوزبیکستان و هندوستان ییتکچیلری، بو ایکی ملکت اورتهسیده سودا-اقتصادی علاقهلر مقدارینی میلادی ۲۰۳۰ ییلگچه بیش میلیارد دالر گه آشیریش گه کیلیشیب آلگن.
شونینگدیک، بو ایکی مملکت بیرلشگن ملتلر تشکیلاتی، شانگهای همکارلیک تشکیلاتی، بریکس و باشقه خلقارا تشکیلاتلر دایرهسیده اوز ارا قوللب-قوتلشنی دوام ایتیریش گه تأکیدلهگن.
ایسلهتیب اوتهمیز، هندوستان باش وزیری نارندرا مودی، اوتگن اوزبیکستان دولت رهبری شوکت میرضیایفنینگ رسمی تکلیفی گه بناً، ایکی کونلیک سفر اوچون تاشکینت گه بارگن.
