اسلام امیرلیگی سوزلاوچیسی ذبیحالله مجاهد، حکومت مطبوعات آئینهسی ناملی تورتینچی خبری دستورده معلوم قیلیشیچه، هجری قمری ۱۴۴۷-ییلده، دولت و خصوصی مکتبلر سانی ۳۸ مینگ ته گه ییتگن. اونگه کوره، دولت و خصوصی مکتبلرده ییتی میلیون ۶۲۰ مینگدن آرتیق اوقووچی و دینی مدرسهلرده ایسه ۴.۲ میلیون اوقووچی تعلیم آلماقده.
شونینگدیک، دولت و خصوصی بیلیم یورتلرده ۲۱۲ مینگ طلبه تعلیم بیلن مصروف و ۸۲ مینگدن آرتیق مملکت گه قیتیب کیلگنلر هم تعلیم دستورلری دایرهسیده قمرهب آلینگنینی قوشیمچه قیلگن، ذبیحالله مجاهد. او شوندهی دییدی: «اوشبو مدت دوامیده ییتی میلیون ۶۲۰ مینگ ۶۴۰ اوقووچی دولت و خصوصی مکتبلرده و ایکی میلیون ۴۴۴ مینگ ۷۵۲ نفر دینی مدرسهلرده تعلیم بیلن بند. ۱۲۶ مینگ ۹۵۲ طلبه دولت بیلیم یورتلریده و ۸۵ مینگ ۲۲۷ نفر ایسه خصوصی بیلیم یورتلرده تعلیم آلماقده و ۱۱۰ مینگ ۶۴ تحصیلی حجت ترقهتیلگن.»
اسلام امیرلیگی سوزلاوچیسی شونینگدیک، امتحانلر ادارهسی فعالیتی حقیده معلومات بیریب، هجری قمری ۱۴۴۷-ییلده مملکت بویلب ۵۳ ته کانکور امتحانی اوتکزیلگنینی معلوم قیلدی. اوشبو امتحانلرده ۱۸۹ مینگ ۱۶۹ داوطلب اشتراک ایتگن. اونگه کوره: «هجری قمری ۱۴۴۷-ییلده مملکت بویلب ۵۳ کانکور امتحانی اوتکزیلدی و ۱۸۹ مینگ ۱۶۹ داوطلب اشتراک ایتدیلر و بوندن ایلگری شکایتلرنی رویخط گه آلیش جریانی حضوری شکلده بولردی، ایندی ساده و آنلاین بولگن.»
مجاهد، چیگرهلر، قوم و قبیلهلر وزیرلیگی فعالیتیگه توختهلیب، ایکی مینگ ۵۸۰ نفر اوقووچی تعلیم مرکزلری گه جلب قیلینگنینی معلوم قیلدی. شونینگدیک، بیلیملر اکادمیهسیده اسلامی، بشری، طبیعی و تخنیکی بیلیم یونهلیشلریده بیر قطار علمی-تحقیقی لایحهلر یکونلنگنینی بیلدیردی.
شونینگدیک، مجاهد جنابلری تخنیکی و مسلکی تعلیمات ادارهسینینگ یوتوقلری حقیده گپیریب، هجری قمری ۱۴۴۷-ییلده جمعی ۷۷ مینگدن آرتیق کیشی تعلیم آلیب، کسبی کونیکمهلرنی اورگنگنلرینی معلوم قیلدی. بوندن تشقری، کوزی عاجز و کرلر اوچون بیشته مخصوص تعلیم مرکزی سرپل، نیمروز، قندوز، غور و بادغیس ولایتلریده تشکیل ایتیلگن. او شوندهی دییدی: «هجری قمری ۱۴۴۷-ییلده تخنیکی و مسلکی تعلیمات اداره مرکزلریده جمعی ۷۷ مینگ ۸۸۵ نفر مسلکی کونیکمه اورگنیش بیلن بند و اوشبو مدت دوامیده ۹ ته تعلیمی مرکز تخنیکی و مسلکی تعلیمات ادارهسی تامانیدن تعمیرلنیب و قیته قوریلگن همده کوز و قولاقدن عاجزلر اوچون بیش تعلیمی مرکز سرپل، نیمروز، قندوز، غور و بادغیس ولایتلریده قوریلگن.»
اسلام امیرلیگی سوزلاوچیسی، مملکت بیلیم یورتلریده حقوق و سیاسی علوم یاپیلگنی حقیدهگی خبرلر گه مناسبت بیلدیریب، دولت بیلیم یورتلریده اوشبو یونهلیشلر گه کوپراق اعتبار قرهتیلهیاتگنینی معلوم قیلدی. او شونینگدیک، قیزلرنینگ تعلیم آلیشی بیلن باغلیق معمانی حل ایتیش بوییچه سعی-حرکتلر دوام ایتهیاتگنینی بیلدیردی.
