اسلامی امارت معارف وزیرلیگی مسئوللری بوگون (دولت نینگ ملت گه حسابات بیریش) بیرنامه‌سیده ایتیش‌لریچه، مذکور وزیرلیک قیزلر مکتب‌لری نینگ آچیلیشی اوچون بیللی بیر طرح خصوصیده ایشله‌یدی.
مذکور ییغین‌ده معارف وزیرلیگی سوزلاوچیسی عزیزاحمد ریان نینگ ایتیشیچه، معارف وزیرلیگی بو توغریده ییترلیچه ایشله‌گن و اونینگ فکری گه کوره، پروسه‌لردن بیر قطاری بیر ییل ایمس، بلکیم ییل‌لر زمان آلیشی ممکن. اونینگ ایتیشیچه، قیزلر مکتب‌لری نینگ آچیلیشی بیر کیچه و کوندوز نینگ موضوع‌سی ایمس.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «معارف وزیرلیگی بو توغریده ییترلیچه ایشله‌گن. بیراق پروسه‌لردن قطاری بیر ییل ایمس، بلکیم ییل‌لر زمان آلیشی ممکن و مکتب‌لر موضوع‌سی بیر کیچه و بیر کوندوز نینگ موضوع‌سی ایمس. افغانستان فرهنگی بیر مملکت دیر که بو ییرده کوپینچه مسئله‌لر بار. بو ییر تفصیلی شکلده بحث بوله‌دیگن بیر ییر ایمس.»
مذکور وزیرلیک مسئوللری گه کوره، مملکت بویلب ۱۷مینگ ۷۸۰ ته مکتب بار که اولردن ۱۵ مینگ ۸۳ ته‌سی دولتی و ۲ مینگ ۶۹۷ ته‌سی خصوصی دیر. افغانستان بوییچه مکتب‌لر اوقووچیلری نینگ توپلم سانی ۱۰ میلیون گه ییتیشه‌دی که اولردن ۶ میلیونی نی ایرکک باله‌لر و باشقه ۴ میلیونی نی قیزلر تشکیل بیره‌دی. معارف وزیرلیگی مسئوللری افغانستان مکتب‌لر اوقیتووچیلری نینگ سانی نی ۲۴۲ مینگ کیشی دیب اعلام قیلگن که اولردن ۹۲ مینگ ته‌سی نی عیال‌لر تشکیل بیره‌دی.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، اوشبو کنفرانس‌ده معارف وزیرلیگی نینگ اسلامی تعلیمات معینی مولوی کرامت‌الله آخند‌زاده نینگ ایتیشیچه، اولر حاضرگچه دین عالم‌لردن ۲۰ مینگ ته‌سی نینگ سویه بیلدیریش سیناوی اوچون اسم‌لری نی یازگنلر که، اولردن سنبله آیی‌ده سیناو آلنیشی ممکن. اسلامی تعلیمات معینی گه کوره، مذکور سیناو نینگ یکونلنگنیدن کیین، ۱۲- و ۱۴-صنف سند‌لر اوشبو وزیرلیک تامانیدن و لیسانس سندی ایسه عالی اوقوو وزیرلیگی تامانیدن دین عالم‌لر گه ترقه‌تیلیشی ممکن.
افغانستان ده اسلامی امارت نینگ قدرت گه ایریشگنیدن کیین، حاضرگچه ۶-صنف‌دن یوقاری قیز اوقووچیلر مکتب‌لری نینگ آچیلیشی اوچون بیللی بیر میکانیزم یوق. شونده‌ی بیرحالده اسلامی امارت مسئوللری نیچه مرته قیزلر مکتب‌لری نینگ آچیلیشی نی بیان قیلگنلر، لیکن حاضرگچه قیزلر مکتب‌لری نینگ آچیلیش زمانی بیللی بولمه‌گن.
