بیلیم یورت‌لر و خصوصی عالی اوقوو موسسه‌لر بیرلشمهسی نینگ ایتیشیچه، قیز طلبه‌لر تحصیلی تعلیق بولگنی دوام قیلگنیدن کیین، ۳۵ خصوصی بیلیم یورت مسئوللری بیلیم یورت‌لری نینگ فعالیتی نی توخته‌تیش گه قرار بیرگنلر.
بیلیم یورت‌لر و خصوصی عالی اوقوو موسسه‌لر بیرلشمهسی نینگ مطبوعات رئیسی محمد‌کریم ناصری نینگ ایتیشیچه: «قیز طلبه‌لر نینگ درس گه باره آلمه‌یشی خصوصیده‌گی عالی اوقوو وزیرلیگی نینگ سونگی بویروغی، مملکت نینگ تحصیلی نهاد‌‌لری گه محکم بیر ضربه دیر که، ۳۵ بیلیم یورت مسئوللری فعالیت‌لری نی توخته‌تیب و شونینگدیک تشقی مملکت‌لرده سرمایه یاتقیزیش گه قرار آلگنلر.»
بیزلرنینگ توییترده هم تعقیب قیلینگ!
شونده‌ی بیرحالده، خصوصی بیلیم یورت‌لر مسئوللری نینگ ایتیش‌لریچه، بیلیم یورت‌لر گه قیزلر نینگ باره آلمه‌یشی، خصوصی بیلیم یورت‌لردن کوپ قطاری نی بانکروت بیلن روپه‌ره قیلگن.
روخان بیلیم یورت رئیسی فاتح‌گل شینواری نینگ ایتیشیچه: «بو قرار بیلن، بیلیم یورت‌لردن کوپ قطاری نینگ یاپیلیشی ممکن.»
شونده‌ی بیرحالده، عالی اوقوو وزیرلیگی نینگ ایتیشیچه، خصوصی بیلیم یورت‌لر قیین‌چیلیگی نینگ حل بولیشی ممکن.
مذکور وزیرلیک سوزلاوچیسی ضیاءالله هاشمی نینگ سلام‌وطندار گه ایتیشیچه: «هر ولایت نینگ خصوصی بیلیم یورت‌لری بیلن قیین‌چیلیک‌لری نی بیزلر بیلن شریک قیلیش‌لری اوچون مخصوصی ییغین‌لر نی یولگه قوییدیک و روپه‌ره بولگنلری قیین‌چیلیک‌لری یازیش‌لری نی ایسته‌دیک که بو رقم، قیین‌چیلیک‌لری نینگ حل بولیشی ممکن.»
بیزلرنینگ فیسبوک صحیفه‌میزگه باش اورینگ!
خصوصی عالی اوقوو موسسه‌لر و بیلیم یورت‌لر بیرلشمهسی نینگ ایتیش‌لریچه، مملکت بویلب ۱۴۰ بیلیم یورت و خصوصی عالی اوقوو موسسه‌لر نینگ فعالیتی بار که، مذکور ییرلرده ۲۰۰ مینگ طلبه فرقلی بولیم‌لرده تعلیم کورماقده‌لر.
مذکور بیرلشمه‌لر مسئوللری نینگ ایتیش‌لریچه، راضی، ابن‌سینا، بایزید و عیال‌لر گه مخصوص «مورا» عالی اوقوو موسسه‌سی، قیزلر نینگ بیلیم یورت گه باره آلمه‌یشی خصوصیده قرار آلینگنیدن کیین، فعالیت‌لری نی توخته‌تیش گه قرار بیرگن ۳۵ خصوصی بیلیم یورت‌لردن دیر.
