بوگون “جمعه” توشدن سونگ، ساعت ۱:۳۰ ده قندوز شهری نینگ خان‌آباد بندریده جایلشگن «سیدآباد» مسیجدی‌ده یوز بیرگن پارتلشده نماز اوقووچی‌لردن کوپ‌قطاری هلاک و یره‌لنگن.
بیزلرنینگ فیسبوک صحیفه‌میزگه باش اورینگ!
واقعه گواه‌لری نینگ سلام‌وطندارگه ایتیش‌لریچه، مذکور پارتلش شیعه‌لرگه تیگیشلی مسجد ده یوز بیرگن و نماز اوقووچی‌لردن کمیده ۱۰۰ ته‌سی هلاک و باشقه ۲۰۰ ته‌سی یره‌لنگن. گواه‌لرنینگ ایتیش‌لریچه، یره‌لنگن کیشی‌لر قندوز حوزه‌یی کسلخانه‌سیگه انتقال بیریلگن.
عین‌حالده، اسلامی امارت سوزلاوچیسی ذبیح‌الله مجاهد، قندوز مرکزیده شیعه‌لرگه تیگیشلی مسجد ده پارتلش یوز بیرگنی‌نی تصدیق‌لگن. جناب مجاهد، پارتلش نوعیتی‌نی بیللی قیلمه‌گن، لیکن مذکور واقعه‌ده کوپ‌قطار تینچ اهالی هلاک و یره‌لنگنی‌نی بیلدیرگن. اونینگ کوپه‌یتیریشیچه، اسلامی امارت خاص قطعه‌سی واقعه‌نی تیکشیریش اوچون محلگه بارگن.
قندوز ولایتی بوییچه معلومات و مدنیت اداره‌سی باشلیغی مطیع‌الله روحانی نینگ پارتلش‌نی تصدیق‌لب ایتیشیچه، اوشبو واقعه‌ده تینچ اهالی‌گه کوپینچه تلفات وارد بولگن.
جناب روحانی نینگ کوپه‌یتیریشیچه، مذکور پارتلشده قربان بولگن‌لر رقمی بیللی بولگنیدن سونگ، میدیالر بیلن شریک قیلینه‌دی.
شونینگدیک، اجتماعی ترماقلرده نشر ایتیلگن ویدیولرگه کوره، اوشبو مسجد ده یوز بیرگن پارتلشده کوپ‌قطار تینچ اهالی قربان بولگن.
بیزلرنینگ فیسبوک صحیفه‌میزگه باش اورینگ!
افغانستانده اسلامی امارت حاکم بولگنیدن سونگ، شیعه‌لرگه قرشی بو بیرینچی قانلی پارتلش دیر.
حاضرگهقدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.
