بوگون ۴، اپریل ماین خطرلری حقیده آگاهلیک بیریش خلقارا کونیدن کابلده نشانلندی. مملکتده ماین تازهلش نهادلری مسئوللری نینگ ایتیشلریچه، افغانستان ماین قربانلری نینگ آماری یوقاری بولگن مملکتلر قطاریدن دیر و مملکتده آییده ۱۴۰ الی ۱۵۰ کیشی ماین قربانی بولهدی.
ماین تازهلش موسسهلری نینگ مسئوللری گه کوره، ماین تازهلش غیر سیاسی بیر پروسه دیر اسلامی امارت و خلقارا تشکیلاتلر بو پروسهدن آرقهداشلیک قیلیشلری کیرهک.
عینحالده، افغانستاننی قیته قوریش و یا اریا موسسهسی نینگ باشلیغی انجنیر محمد شریف یعقوبی نینگ اوشبو ییغینده صحبت قیلیب ایتیشیچه، افغانستانده، آییده ۱۴۰ الی ۱۵۰ کیشی ماین قربانی بولهدی.
بیزلرنینگ فیسبوک صحیفهمیزگه باش اورینگ!
شوندهی بیرحالده، افغانستان بوییچه هیلوترست ماین تازهلش موسسهسی نینگ مسئولی خانم ماریانا گه کوره، افغانستان ماین قربانلری میزانی یوقاری بولگن مملکتلر قطاریدن دیر.
عین حالده، دی آر سی ماین تازهلش و انسان سیورلیک یاردلر موسسهسی نینگ رئیسی جناب سورن استر مملکتده، ماین تازهلش پروسهنی ملی وخلقارا نهادلر نینگ بورچی عنوان قیلگن.
شونینگدیک اسلامی امارت طبیعی آفاتلرگه قرشی کورهش وزیرلیگی نینگ سرپرستی ملا محمد عباس آخوند نینگ اوشبو ییغینده ایتیشیچه، اسلامی امارت مملکتده ماین تازهلش پروسهسیدن همه تامانلمه آرقهداشلیک قیلگن دیر و ماین تازهلش موسسهلر نینگ ایشلری یخشی شکلده آلغه کیتیشی اوچون زمینه یرهتیش توغریسیگه سعی و حرکت قیلهدی.
بیزلرنینگ توییترده هم تعقیب قیلینگ!
شونینگدیک بوندن آلدین قیز خاج خلقارا کمیتهسی یا صلیب سرخ نینگ اعلام قیلیشیچه، ۲۰۲۲- جنوری آیی نینگ باشلهنشیدن حاضرگچه افغانستانده اوروش زمانیده پارتلمهی قالگن مادهلر پارتلهشی عاقیتیده ۲۰۰ کیشی اولیب یرهلنگن.
همده بیرلشگن ملتلر تشکیلاتی نینگ بالهلردن حمایت قیلوچی صندقی یا یونیسف بیر گزارش ترقهتیب اعلام قیلیشیچه، اوتگن آی اورشلر زمانیده پارتلمهی قالگن ماینلر پارتلهشی نتیجهسیده ۳۰۱ اولیب یرهلنگن دیر.