بیرلشگن ملتلر تشکیلاتی نینگ بالهلردن حمایت قیلووچی صندوقی یا یونیسف، افغانستانده پارتلمهی قالگن ماینلر پارتلشی نتیجهسیده بالهلر تلفاتی کوپهیشیدن خواطر بیلدیرگن.
مذکور نهاد اوتگن کونی بیر بیانه ترقهتیب ایتیشیچه، اوتگن ۷ آیده، افغانستانده ۳۰۱ باله اوروش زمانلریدن پارتلمهی قالگن ماینلر پارتلشی عاقبتیده هلاک و یرهلنگنلر. یونیسف گه کوره، واقعی رقم بوندن کوره کوپ بولیشی ممکن.
بیزلرنینگ فیسبوک صحیفهمیزگه باش اورینگ!
بیانیهده کیلیشیچه، ایکی کون آلدین هلمند ولایتی نینگ مارجه تومنیده هاوان اوقی پارتلشی نتیجهسیده، ۴ اوغیل باله و ۱ قیز باله جان بیریب و باشقه ایکی تهسی یرهلنگن ایدیلر.
یونیسف بو گَل واقعهلر طفیلی بالهلر تلفاتی کوپهیشیدن خواطر بیلدیرگن، مذکور نهاد گه کوره، سونگی آیلرده منع بولگن منطقهلرده تینچ اهالی نینگ کیریشی، اوتمیشلر گه نسبتن کوپهیگن دیر.
بیرلشگن ملتلر تشکیلاتی نینگ بالهلردن حمایت قیلووچی صندوقی نینگ ایتیشیچه: «افغانستانده بالهلر، تیمیر ییغیش چاغلریده پارتلمهی قالگن ماینلر پارتلشی خوفی بیلن روپهرو دیر.»
بیزلرنینگ توییترده هم تعقیب قیلینگ!
یونیسف افغانستاندهگی برچه تامانلردن، پارتلمهی قالگن ماینلرنی تازهلش، قربانیلر نینگ عایلهلری گه یاردم بیریش، بالهلر تربیهسی خصوصیده دقتلی بولیشلرینی طلب قیلگن.
بو عینحالده، بیرلشگن ملتلر تشکیلاتی نینگ معلوماتی اساسیده، افغانستانده ۲۰۲۱-ییل نینگ دستلبکی ۶ آییده، ۴۶۰ باله زوروانلیکلر اینیقسه اوروش زمانیدن پارتلمهی قالگن ماینلر پارتلشی قربانی بولگنلر.