تورکیه پولیسی رسمی‌لری نینگ ایتیشلریچه، مذکور مملکت پایتختی انقره شهری نینگ شرقی منطقه‌سیده بیر یشش اوی دن پیچاقله‌نیب اولدیریلگن بیش افغانستانلیک نینگ جسدینی تاپگنلر.
تورکیه دولت آژانسی اوتگن کون (پنج‌شنبه، ۱۹ عقرب) اوشبو مملکت رسمی‌لریدن نقل قیلیب یازیشیچه، اولگنلر نینگ عایله اعضالری پولیس گه قونغراق قیلیب قرینداش‌لری یوقالگنیدن خبر بیرگندن کیین، پولیس اولر نینگ جسدلرینی تاپگن.
بیزلرنینگ فیسبوک صحیفه‌میزگه باش اورینگ!
تورکیه پولیسی رسمی‌لری، مذکور کیشی‌لر نینگ کیم‌لیگی و قچان اولدیریلیش زمانی خصوصیده معلومات بیرمسه ده بیراق ایتیشلریچه، جسدلر عدلی طب گه یوباریلگن و بوتوغریده تدقیقات‌لر باشلنگن.
تورکیه ده افغانستان دیپلومات‌لری، افغانستانلیک بیش فقرا اولدیریلیشینی تصدیقله‌یدیلر، لیکن اولر نینگ کیم‌لیگی حقیده معلومات بیرمه‌گنلر.
بیزلرنینگ توییترده هم تعقیب قیلینگ!
تورکیه محلی میدیالری بیلن صحبت اوتکزگن اولگنلر نینگ قرینداش‌لری گه کوره، بیر هفته دن بیری اولر نینگ احوالیدن خبرلری یوق ایدی.
مذکور واقعه کوپراق افغانستان و سوریه‌لیکلر یشه‌یدگن منطقه ده یوز بیرگن.
