فلسطین ده طبی منبعلرنینگ اعلام قیلیشیچه، اسرائیل آرقهلی غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۱۳ کیشی اولیب و اونلب کیشی یرهلنگن.
خلقارا ییتکرمهلرنینگ گزارش بیریشیچه، اوشبو کیشیلر اوتگن کون اسرائیل اردوسینینگ المواصی، غزه و دیرالبلح شهرلریگه اویوشتیرگن هجوملریده قربان بولگنلر.
مصر، اوتگن کونی اسرائیل و حماس آرهسیدهگی مذاکرهلر ینگی باسقیچی میزبانی بولگنی بیرحالده، مذکور مملکتنینگ غزه گه قرشی هجوملری عملگه آشیریلگن. رویترز آژانسی منبعلردن نقل قیلیب گزارش بیریشیچه، حماس مذاکرهلردهگی ترقیاتنی اسرائیلنینگ غزه گه اویوشتیره یاتگن هجوملرینی توختهتیش شرطیگه باغلهگن.
اوتگن ییل اکتبر آییده اسرائیل و حماس امریکا واسطهچیلیگی بیلن آتیش کیسینگه ایریشگنی بیرحالده؛ لیکن سونگی ییل آیده مذکور مملکت فلسطینلیکلر برابریده هجوملرینی دوام بیرگن.
فلسطین ساغلیقنی سقلش وزیرلیگینینگ معلوماتی اساسیده، اوتگن ییل اکتبر آییدن حاضرگچه، اسرائیل هجوملری عاقبتیده کمیده ۹۴۷ فلسطینلیک اولیب و ایکی مینگ ۹۰۰ کیشی یرهلنگن. شونینگدیک بو مدتده اسرائیل هم، حماس بیلن توقنشوولرده تورت ته عسکرینی قولدن بیرگن.
